Bütün ana və atalar uşağının bədənində fiziki qüsur olduğunu öyrəndiyi anda sarsılırlar. Amma bu, Braziliyada yaşayan 14 nəfərlik Da Silva ailəsi üçün keçərli deyil.
Milli.Az xəbər verir ki, Da Silva ailəsində bütün uşaqlar irsi problem səbəbi ilə əl və ayağında 12 barmaqla doğulur.
Ailə bu fiziki qüsuru özü üçün üstünlüyə çevirib. Belə ki doğulan bütün uşaqlar ya qapıçı, ya da pianoçu olurlar.
Ailənin son üzvü Vinikus digər qardaş və bacıları kimi əli və ayağında 12 barmaqla doğulub. Bu vəziyyətə çox sevinən ana və ata uşağın ya qardaşı Yoa Asis kimi futbolçu, ya da bacısı Maria Morena kimi pianoçu olacağını düşünürlər.
Ata Alessandronun 6 barmağı var. Ancaq ana Katyanın 5 barmağı. Valideynlərə görə, uşaqlarının bu cür qüsurla doğulması, onları cəmiyyət içində fərqli edir.
Katya ilk uşaqları Gilermenin 12 barmaqlı doğulmasından sonra bütün uşaqların bu cür doğulması üçün dua edir.
Qeyd edək ki, yer üzərində bu cür hal hər 3000 nəfərdə bir yaşanır.
XƏBƏR LENTİ
