Cənubi Afrikanın Vitvatersrand Universitetindən olan alimlər elektroensefaloqrafa və mini "Raspberry Pi" kompüterinin köməyi ilə internetə insan beyininin dalğalarını ötürməyə müvəffəq olublar.
Qadin.Net publika.az-a istinadən xəbər verir ki, insan beyninin şəbəkəyə qoşulması və informasiya ötürülməsi gələcəkdə çox ciddi təhlükələrə yol aça bilər. İnformasiya insan beyninə daxil olaraq yer dəyişdirir. Və yüklənən informasiyanı müəyyən zaman kəsiyində köçürmək də mümkündür.
"Braİnternet" yəni "beyinlərin interneti" layihəsinin tədqiqat qrupunun başçısı Adam Pantanoviç (Adam Pantanowitz) informatika müəllimidir. Alimin fikrincə, internetə beyin qoşa biləcək qurğuların hzırlanması çətin deyil, çətin olan məsələnin məişət və etik olan tərəfidir. Bu cür sistemlərin yaradılması tipik olaraq hakerlərin işinin asanlaşdırılmasına xidmət edir.
Sistemin yaradılması böyük uğur olsa da, onun təhlükəli tərəfləri də çoxdur:
"Cinayətkarlar tərəfindən insan beyninin ələ keçirilməsi dünyanın sonu deməkdir. Fantastik kinolarda canlandırılan sistemlər, beyinləri ələ keçirilən liderlərin çıxışları və s. bütün bunlar gerçək ola bilər. Hələ ki "beyinlərin interneti" çərçivəsində sınaqların ilk mərhələsi sona çatıb. Lakin təhlükəsizlik məsələləri tam nəzarətə alınmamış təqdimat olunmayacaq".
Pantanoviç onu da qeyd edib ki, yeni şəbəkə yaradılacaq. Kənar müdaxilələrdən qorunma altına alınmış, yüksək təhlükəsizlik sistemləri ilə işlənmiş kvant şəbəkəsi ola bilər. İnformasiya köçürülməsi zamanı (beyindən internetə və əksinə) gözlənilməz hücumlara qarşı xəbərdarlıq siqnalı olmalıdır.
Artıq elmi səviyyədə təsdiqlənən layihənin imkanları genişləndirilir. Cəmiyyətdə maraqla qarşılanan sistem birbaşa şüurun qapadılmasına və insanların 2-ci şəxs tərəfindən idarəsinə verilməsinə xidmət edəcəyi üçün lazımı qurumların dəstəyinə ehtiyac var.
XƏBƏR LENTİ
