Hindistanla Pakistanın sərhəddində “gənclik vadisi” adlanan kiçik bir ərazi yerləşir. Buranın yerli əhalisi heç vaxt xəstələnmir və daim gənc qalırlar. Mənbələrə görə, vadini Makedoniyalı İsgəndərin döyüşçüləri kəşf edib, məskunlaşmışdılar. Yerli əhalinin dili isə heç bir dil ailəsinə mənsub deyil.
Qadin.Net publika.az saytına istinadənxəbər verir ki, hunza adlı bu xalq hələ də xərçəng və ürək xəstəliklərinin nə olduğunu bilmirlər. Hətta ən soyuq şaxtalı havalarda buzlu suda çimirlər. 40 yaşlı qadınlar öz şux qamətləri ilə gənc qızları xatırladır, 60-65 yaşdan sonra isə övlad dünyaya gətirəcək qədər cavan orqanaizmə sahibdirlər. Hunza xalqının həyat tərzindən çox yazılıb, müzakirə edilməsinə baxmayaraq onların uzunömürlüyünün sirri yaxın günlərədək elmə məlum deyildi.
Şotlandiyalı həkim Mak Karisson bugünlərdə hunzalıların uzunğmürlülüyünün səbəbini üzə çıxardaraq çox maraqlı açıqlama ilə tibbə yenilik gətirib. Xanım Karrison bildirib ki, hunzalılıarın rasionunda zülalla zəngin qidalar son sırada durur. Gün ərzində qəbul etdikləri qidalar təxmini 1933 kkal təşkil edir ki, onun da 50 qramı zülalın, 36 qramı yağın, 365 qramı isə karbohidratların payına düşür.
Yazın əvvələrində meyvələr hələ tam yetişməzdən öncə düz 2 ay ərzində ərik qurusunun kompotunu içirlər. Yayda hunzalılıarın əsas qida mənbəyi meyvələr və tərəvəzlər olur. Qış aylarında isə meyvə quruları, dənli bitkilərdən hazırlanmış sıyıqlar və qoyun pendiri yeyirlər.
1984-cü ildə London aeroportunda maraqlı hadisə baş verir. Britaniyaya səyahət edən Seyid Əbdül adlı hunzalının pasportuna baxan şəxslər heyrətlərini gizlədə bilməyiblər. Çünki Əbdülün doğum tarixi xanasında 1823 il qeyd olunmuşdu. 160 yaşlı hunzalı öz gümrahlığı ilə bütün aeroport əməkdaşlarının diqqətini üzərinə çəkməyə nail olmuşdu.
XƏBƏR LENTİ
