İyunun 11-i Azərbaycan Milli Elmlər Akademiyasının bağında məşhur rus yazıçısı Maksim Qorkinin təkrar - latın qrafikasında - nəşr edilən "Mən necə oxumuşam" kitabı təqdim edilmişdi.
Qadin.Net-in verdiyi məlumata əsasən xeyriyyə məqsədi ilə çap edilən "Mən necə oxumuşam" kitabı Qubanın ucqar dağ kəndlərindəki uşaqlara paylanıldı.
"Çox böyük əziyyətlərlə gedib-gəlsək də, sizin də dəstəyinizlə yığılmış bədii kitab, dərslik, test, dəftər-qələm, rəsm albomu və s. hədiyyələri ucqar dağ kəndlərində yaşayan uşaqlara hədiyyə etdikdə, onların üzündəki sevincə səbəb olmağımız və elə oradaca kitabları oxumağa başlamaqları əziyyətimizin boşa olmadığını göstərdi."- deyən Vüqar Hüseynov öz təəssüratlarını kitabsevərlərlə bölüşdü.
"Elm və Təhsil" Nəşriyyatında işıq üzü görən əsər "Kitabsevərlər" qrupunun çap edilmiş sayca 15-ci kitabıdır. Layihənin ideya müəllifi Səbuhi Azad, kitabın redaktoru isə Səbuhi Şahmursoydur.
XƏBƏR LENTİ
- ŞƏRHLƏR