İstanbuldakı partlayışı törədən terror təşkilatının adı açıqlanıb
2 051
0
APA “Milliyet”ə istinadən xəbər verir ki, partlayışa görə məsuliyyəti PKK terror təşkilatının şəhər qolu olan TAK üzərinə götürüb. Terror qrupu bu barədə özünün internet səhifəsində açıqlama yayıb.
Qeyd edək ki, Veznecilər məhəlləsində içərisində çevik polis qüvvələrinin olduğu avtomobilə hücum edilib. Polis avtomobili park edilmiş maşının yanından keçərkən partlayış baş verib. Sonra ikinci partlayış törədilib. Hadisə nəticəsində 11 nəfər - 6 polis əməkdaşı, 5 mülki şəxs ölüb. Hadisə nəticəsində 36 nəfər yaralanıb. Yaralananlardan biri Azərbaycan vətəndaşı Murad Mirəliyevdir. Şamaxı rayonunda yaşayan əslən axısxa türkü olan M. Mirəliyev ayağından yaralanıb.
Mənbə: APA,Az
XƏBƏR LENTİ
