Dünyanın sonu barədə çox mülahizələr yürüdülüb, çox sözlər deyilib. Amma bizim təqdim edəcəyimiz söhbət onların heç birinə bənzəmir.
Milli.Az Sputnik-ə istinadən bu barədə maraqlı bir sosial tədqiqatın nəticəsini təqdim edir:
Bir universitetdə professor dərsə belə başlayır:
- Təsəvvür edin ki, bu gün dünyanın son günüdür Sabah bu vaxt hər şey yox olacaq. Xilas olmaq imkanınız da yoxdur. Bu gün nə edərdiniz?
Tələbələrdən müxtəlif cavablar gəlir:
- Dua edər, Allahdan günahlarımı bağışlanmağı istərdim.
- Bütün sevdiklərimlə vidalaşardım...
- Vaxtımı ailəmlə birlikdə keçirdərdim...
- Atamın -anamın yanına gedərdim...
- Dostlarımla bir yerdə olardım...
- Sevgilimə onu nə qədər sevdiyimi söyləyərdim....
- Bütün sevdiyim yeməkləri yeyərdim...
- Son dəfə meşədə gəzərdim...
- Son dəfə ulduzlara baxardım...
- Son dəfə dənizi seyr edərdim....
- Ən sevdiyim kitabı oxuyardım....
- Ən sevdiyim musiqiyə qulaq asardım...
- Ən çox sevdiyim yeməkləri bişirib, bütün sevdiklərimi qonaq çağırardım...
- Həyatda ən çox getmək istədiyim yerə gedər və ölümü orda gözləyərdim...
- Qəlbinə dəydiyim insanlara zəng edər, üzr istəyər, məni bağışlamağı xahiş edərdim...
Professor bu cavabların hamısını lövhəyə yazır. Sonra gülümsəyərək soruşur:
- Uşaqlar, doğurdanmı bütün bunları etmək üçün dünyanın son gününü gözləmək lazımdır?
Və əlavə edir: Bəli, bu gün artıq dünyanın son günüdür...
Mənbə: Milli.Az
XƏBƏR LENTİ
- ŞƏRHLƏR