Soydaşlarımız bu səbəbdən intihar edir
4 881
0
ANS PRESS-in məlumatına görə həmin qadının ruhi xəstə olduğu bildirilir. Amma son zamanlar baş verən intihar hallarının heç də hamısı bu səbəbdən baş vermir.
Sentyabrın 5-i "28 May" stansiyasında baş verən intihar hadisəsinin səbəbi isə gənc oğlanın öz nişanlısı ilə mübahisə etməsi göstərilir.
Ümumiyyətlə, son vaxtlar az qala hər gün bir neçə intihar hadisəsi baş verir. Intihar edənlərin içində bütün nəsillərin nümayəndələrinin - yeniyetmələrin, gənclərin, yetkin insanların və ahılların olduğunu düşünəndə, sual yaranır: Ölkədə bu qədər intiharların olmasının səbəbi nədir?
Psixoloq Elnur Rüstəmov baş verənlərdə bir nəfərin deyil, ümumilikdə,cəmiyyətin günhkar olduğunu deyir:
"Biz hamımız bir-birimizdən asılıyıq, hamımız da bir-birmizə kömək etməliyik. İnsanların psixoloji durumları bağça, məktəb vaxtından öyrənilməli və buna qarşı tədbirlər görülməlidir. Bunun üçün psixoloji çətinlikləri olan insanlar ilk növbədə Səhiyyə Nazirliyinəznində, eləcə də, özəl şəkildə fəaliyyət göstərən psixoloji mərkəzlərə müraciət etməlidirlər. "
Baş Prokurorluğun mətbuat xidmətinin rəhbəri Eldar Sultanov intiharlarla əlaqədar bildirdi ki, baş vermiş hər bir intihar hadisəsi ilə bağlı cinayət işi başlanmaqla həmin hadisənin səbəblərinin müəyyənləşdirilməsi məqsədi ilə tam və hərtərəfli istintaq aparılır.
İntihar hadisələrinin səbəblərinə gəlincə, E.Sultanov: "Bunların səbəbləri müxtəlifdir. Bu səbəblər psixoloji və sosial problemlər, psixiatrik və digər xəstəliklər də ola bilər", - deyə əlavə etdi.Polisə dəstək ictimai birliyinin sədri, polkovnik Şəmsəddin Əliyev bu istiqamətdə olan cinayətlərlə birbaşa əlaqədə olduğu üçün hadisələrin baş verməsinə müxtəlif amillərin təsir etdiyini qeyd etdi.
"Özünəqəsd halları tarixən olub, var və olacaq. Borc olmağı, şəxsiyyətin alçaldılması, sevgidə uğursuzluq, ətrafdakılara etiraz etmək istəyi, zorakılıqdan çıxış yolu tapa bilməmək intiharın səbəblərindəndir. Amma intihar edənlərin çoxu aciz, özünü sosial çətinliyə alışdıra bilməyən, səbr edə bilməyən, intellektual səviyyəsi aşağı olan, iradəsi zəif olan insanlardır."
Şəmsəddin Əliyev məktəblərdə, universitetlərdə xüsusi dərslərin keçirilməsini təklif edir. Onun sözlərinə görə, məişət zorakılığı ilə bağlı dərslər keçilsə, gənc nəsillərdə belə intihar hallarına da az rast gəlinər. Çünki, il ərzində baş vermiş 22000 cinayətin 300 mini, məhz, yeniyetmələr tərəfindən törədilib.
İlahiyyatçı İsmayıl Əhmədov intiharın bütün səmavi dinlər tərəfindən yasaq olduğunu söylədi: “İnsanın Allahın ona verdiyi cana qəsd etməsi haram və böyük günahlardandır. Buna görə də, gəncləri uşaq vaxtından düzgün tərbiyə etmək lazımdır."Qeyd edək ki, intihar halları təkcə Azərbaycanda deyil, bütün dünyada bu gün aktual məsələlərdən biridir. Araşdırmalar göstərir ki, dünya ölkələri arasında ən çox intihar halları Finlandiya və Macarıstanda qeydə alınır.
Artıq sübut olunub ki, mətbuatda daha çox müzakirə olunan hadislər cəmiyyətdə həndəsi silsilə ilə artır. Deməli, bu xəbərləri mümkün qədər minimuma endirməklə, tez-tez cinayət xəbərlərini deyil, onlarla mübarizə yollarını təqdim etməklə intihar hallarının sayında azalmanı müşahidə etmək olar.
Hər halda, intihar etmək istəyənlər onu unutmamalıdırlar ki, özünə qəsd hər hansı problemdən çıxış yolu deyil. Əksinə bu onların yaxınları üçün daha böyük problemlərin yaranmasının başlanğıcıdır. Odur ki, bu addımı atmazdan əvvəl yüz ölçüb, bir biçin.
Mənbə: ANS PRESS
XƏBƏR LENTİ
