Zaqatala və Balakəni dolu vurdu
3 525
2
Gecə saatlarında Zaqatala və Balakən rayonlarının bəzi ərazilərinə dolu düşüb. Bir anda başlayan göy gürültusu və ildırım ardınca güclü dolu yağıntısı ilə müşahidə olunub.
"Kanal S" ( Region TV) xəbər verir ki, ani başlayan dolu bir anda güclənib. Yağan yağış və dolu Zaqatalanın Uzuntala, Üçüncü Tala, Makov, Dağlı, Əliabad və Bəhmədli kəndlərində, eləcə də Balakən rayonunun Qullar kəndində və Qabaqçöl qəsəbəsində evlərin dam örtüyünə, kənd təsərrüfatına ziyan vurub.Dolu güclü leysanla əvəz olunub. Adıçəkilən ərazilərdə elektrik enerjisinin verilişində problemlər yaranıb. Hazırda bəzi yerlərdə elektrik enerjisinin verilişinin bərpa edilməsi üçün təmir işləri aparılır. Təsərrüfatlara dəyən ziyanın miqdarı dəqiqləşdirilir.
Mənbə: Milli.Az
XƏBƏR LENTİ
- ŞƏRHLƏR