Həftə sonu Bakını həyəcana salan dollar 2 gündür ucuzlaşmaqda davam edir.
Azərbaycan Mərkəzi Bankı (AMB) bu günün valyuta məzənnələrini açıqlayıb.
ANS PRESS-in məlumatına görə, bu günə olan rəsmi məzənnələr bülleteninə əsasən, dolların rəsmi məzənnəsi nisbətən düşərək 1, 0446 manat təşkil edib ( dünən 1,0470 manat idi).
Manata nəzərən avro artaraq 1. 2078 olub (dünən 1,1994 manat idi).
Rusiya rublu 0,0002 manat və ya 1,3% ucuzlaşaraq 0,0148 manat olub (dünən 0,0152 idi).
Yola saldığımız həftənin sonunda Bakıda fəaliyyət göstərən valyutadəyişmə məntəqələri dollar satmaqdan imtina etmişdi. Şəhərin mərkəz hissəsində fəaliyyət göstərən valyutadəyişmə məntəqələrində dolların olmadığını deyirdilər. Məlum olmuşdu ki, bir sıra bankların filiallarına baş ofisləri tərəfindən bu gündən bütün valyutalar üzrə satışı dayandırmaq tapşırılıb.
Mənbə: ANS PRESS
XƏBƏR LENTİ
