Azərbaycanı I Avropa Oyunlarında təmsil edəcək idmançıların adları açıqlanıb. ANS PRESS-in əldə etdiyi məlumata görə, yarışlarda Azərbaycanı Triatlon idman növü üzrə 3 idmançı təmsil edəcək. Onlar Rostislav Pevtsov, Kseniya Levkovskaya, Aleksandr Yatsenkodur.
Azərbaycanı güləş üzrə isə ümumilikdə 24 idmançı təmsil edəcək. Onlardan 16-sı kişi, 8-i isə qadın güləşçidir.
Karate üzrə nümayəndə heyətimiz 12 idmançıdan ibarətdir. Bu idmançılardan 6-sı kişi, 6-sı isə qadındır. 
Azərbaycanın mükafatlara ən çox iddialı olduğu idman növlərindən biri də cüdodur. Ölkəmizi cüdo üzrə ümumilikdə 18 idmançı təmsil edəcək. Onlardan 9-u kişi, 9-u isə qadındır.
Ölkəmizi I Avropa Oyunlarında təmsil edəcək boks üzrə nümayəndə heyətimiz 10 kişi və 5 qadın idmançıdan ibarətdir. 
Azərbaycanı I Avropa Oyunlarında təmsil edəcək idmançıların tam siyahısı ilə Buradan tanış ola bilərsiniz. Qeyd edək ki, Bakı-2015 Avropa Oyunları 2015-ci ilin 12-28 iyun tarixlərində keçiriləcək həyəcanverici və innovativ yeni çoxsaylı idman növləri üzrə yarışlar olmaqla yanaşı kontinentdə ilk Avropa Oyunları olacaq.
Bakı-2015 Avropa Oyunları ümumilikdə 19 idman növü üzrə keçiriləcək: bunlardan 16-sı Olimpiya idman növü və üçü qeyri-olimpiya idman növü olacaq. 17 yarış günü müddətində 6000-dən artıq idmançının öz ölkələrini təmsil edəcək.
Mənbə: ANS PRESS
XƏBƏR LENTİ
- ŞƏRHLƏR