Dadlı yemək hazırlaya bilmək bir sənətdir. Hər insan bunu bacarmadığı üçün zaman-zaman hansısa məkanlarda yediyimiz yeməklər yaddaşımıza birdəfəlik həkk olunur. Daha sonra dəfələrlə eyni yeməkdən hazırlansa belə, eyni dad və keyfiyyəti almaq da mümkün olmur.
Yeməklərdə ərzaqların keyfiyyəti nə qədər önəmli olsa da, yemək bişirilən qabın da materialı əsas məsələ olur. Elə bu səbəbdən bəzi yeməklər məhz bişirilmə formasına görə fərqlənir və həmin üsuldan başqa üsullarla bişirildikdə eyni effekti vermir. Təndir çörəyi, piti, çömlək kababı və s. kimi xüsusi qidalar var ki, məhz bu qidalarda da əsas məsələ yeməkdən çox elə hazırlandığı qablardır.
Bu cür gildən hazırlanan xüsusi qabları əldə etmək asandır. Amma keyfiyyətli olub-olmaması sual altında qalır. Bu cür qablar xüsusi təmiz torpaq və gildən hazırlanıb bişirildiyi üçün əziyyətli bir iş hesab olunur. Bu səbəbdən gil qablar sex üsulu hazırlanır və nadir hallarda şəhərdə əl əməyi olan gil qablara rast gəlinir. Müxtəlif regionlarda isə bu cür qablar sırf əl əməyi olduğundan qiymət etibarilə də baha olur.
Gil saxlama, bişirmə qablarını Bakıda müxtəlif bazarlardan əldə etmək mümkündür. Qiyməti ölçüsünə görə 3-30 manat arasında dəyişən bu cür qabların bəzən ən kiçikləri belə yüksək qiymətli ola bilir. Buna səbəb isə bu qabların əl üsulu ilə hazırlanması və regionlardan gətirilməsidir. Satıcı Elşən Qabulov deyir ki, satılan gil qabların 80%-i bahalı qablar olur, çünki istifadəçi aldığı qabı iki gün istifadə edib atmaq üçün almır. Xüsusən kafe və restoranlar belə qablara maraq göstərdiyindən mümkün qədər keyfiyyətli qab alırlar: "Kafe və restoranlar adətən 2 adamlıq qapaqlı qablardan 50-60 dənə almaq üçün müraciət edir. Sex üsulu ilə hazırlanan qablar ucuz, eyni zamanda tez qırılan, nazik olduğu üçün onlara elə də maraq olmur. Ona görə də, regionlardan, xüsusən Şəkidən gil qablar gətiririk. Elə vaxt olur günə 1, elə vaxt olur 50-dən çox qab satılır. Sex üsulu ilə hazırlanan qabları keyfiyyətli qablardan ayırmaq olduqca çətindir. Yeni qabı alan kimi yemək bişirmək olmaz. Bu zaman həmin yemək yeyilməz və pis dad verər. Buna görə aldıqdan sonra qabı sirkəli soyuq suda 24 saat saxlamaq və daha sonra qaynatmaq lazımdır. Sirkəli suda saxlamaq qabın daha gec qırılması və uzun ömürlü olmasına, qaynatmaq isə qabı yemək bişirilməyə hazırlamasına kömək edər. Vam odda qablarda yemək hazırlamaq qabın qırılmasına səbəb olduğundan gil qabda bişirilən yeməklər xüsusi qaz üstü dəmirlər vasitəsilə bişirilməli və isidilməlidir".
Satıcının sözlərinə görə, Bakıda, ümumiyyətlə ,bu qabları hazırlayan bir emalatxana yoxdur. Onun dediyinə görə, bu qablarda bişən yeməklər dadlı, həm də ekoloji cəhətdən təmiz olur. Buna baxmayaraq, adi qazanlarla müqayisədə baha olduğundan bu sahəyə maraq göstərən də olmur: "Bakıda istənilən qədər belə qablardan tapmaq mümkündür, hansı ki Gürcüstandan gətirilir və ya elə sex üsulu ilə hazırlanır. Bu cür qabların keyfiyyəti Şəki qabları ilə qətiyyən müqayisə oluna bilməz. Ən keyfiyyətli qablar Şəki və Masallıdan gətirilən qablardır. Qablarda bişən və saxlanılan qidalar keyfiyyət baxımından mükəmməl olur, çünki torpaq və gil qarışığı olan qablar nəfəsalma (hava keçirmə) xüsusiyyətinə malikdir".
Aşpaz Elmir Məmmədin sözlərinə görə, gil qablar nəinki ət yeməkləri bişirmək, eləcə də tərəvəz yeməklərinin hazırlanması və saxlama qabı kimi də mükəmməl bir seçimdir. Uzun müddət istifadə olunsa belə, yeganə qablardır ki, tərkib etibarilə dəyişmir və sağlamlığı təhlükə altında qoyacaq heç bir əlavə maddə buraxmır: "Gil qabları saxlamaq və təmizləmək olduqca əziyyətli bir işdir. Müxtəlif tərəvəz yeməklərinin hazırlanması, sup və bulyonların daha dadlı olması üçün gil qablar əvəzsizdir. Eyni zamanda, gil qabda saxlanılan ayranın sərinliyinə və dadına söz ola bilməz".
Həmsöhbətimiz hesab edir ki, gil qab yeməkləri səbir tələb edən yeməkdir və yeməyin nə olmasından asılı olmayaraq yarım saat içində belə qablarda yemək hazırlamaq mümkün deyil. "Bu səbəbdən gil qabların bazarı ölmüş haldadır, çünki insanlar daddan çox ən tez nə bişər deyib yemək hazırlayırlar".
XƏBƏR LENTİ
Ebola virusu qadağaya səbəb oldu
Övliya kimdir?
Putin Qarabağla bağlı Rusiya XİN-ə taşırıq verdi
Toyuqlu-qaysılı piramida (foto resept)
Alimlərin yeni iddiası: Buzlaşma dövrü 2020-də başlayacaq
Bakı sakinləri, gözünüz aydın!
Saçların tez yağlanmasının səbəbləri
Qaraciyər xərçənginin müalicəsində yeni üsul tapıldı
Radio və televiziya işçilərinin peşə bayramıdır
NASA-dan XƏBƏRDARLIQ ETDİ
2018-ci ildə üçüncü analoji hadisə olacaq
Əl işlərim
Armudlu kekslər (foto resept)
"Milli Atlas" qeydə alındı
Builki abituriyentlərə ŞAD XƏBƏR
Avtobusların marşrutu dəyişir
Barmaq boyda çantalar təqdim olundu-FOTO
BÜRCLƏR bizə nə vəd edir?- 3 Dekabr
Zəmzəm suyunun faydaları
Türkiyədə futbol dayandı
Ərdoğan rekorda irəliləyir
Mozaika ilə ev dekorasiyası
Sızanaq izləri üçün bal və alma
İtaliya sahillərində 311 miqrant ölüb
Telefonu bu orqanlardan uzaq tutun
Facebook Messenger-dən MÖHTƏŞƏM YENİLİK
Bal pətəklərinin sirri açılır
Mayın 13-ü PARK BULVAR-da “MÖCÜZƏ” yaşanacaq!
Facebook yeni layihə hazırlayır
Məşhur aktrisa illər sonra etiraf etdi-FOTO
Google robot şirkəti aldı
Hadise anasını belə təbrik etdi-FOTO
Ərdoğan Hakan Şükürü millət vəkilliyindən istefa verməyə çağırdı
Enerji içkiləri bu şəxslərə SATILMAYACAQ
Günün qoroskopu: şəxsi həyatınızdakı problemlər...
BÜRCLƏR bizə nə vəd edir? - 4 MART
Günün qoroskopu: ləyaqətsiz insanlara inanmayın
Evdə düzəldilən maskalar
Onkoloji xəstəliklə doğulan uşaqlar və ya normal keçməyən hamiləliyin fəsadı...
İnsan ayaqdan, at dırnaqdan xəstələnər
Milyader olmadan əvvəl necə görünürdülər?
Səkkiz il yeyib içməyən yoq öldü
Günün ulduz falı
Tramp dünyanın ən böyük problemini açıqladı
Jurnalistlərin işinə artıq prokurorluq baxmayacaq
Əvvəlcə qadın, sonra "Barbie" gəlinciyi oldu- FOTO
İslam müqəddəsləri Ramazan ayı və oruc haqqında
Qışda kökəlməyə mane olan 3 təsirli vərdiş
Pəhləvanımız Məşhəddən qızıl gətirdi
Ən gözəl dəvə seçildi
- ŞƏRHLƏR