Futboldan zəhləsi gedən qadınlar, sizin üçün!
10 408
0
Yüksək qan təziyiqi olan qadınlara həkimlər həvəskar səviyyədə futbol oynamağı məsləhət görürlər. Milli.Az Rusiya mətbuatına istinadən bildirir ki, tədqiqatda iştirak edən 35-50 yaş arası qadınların səhhəti 15 həftə futbol oynadıqdan sonra çox yaxşılaşıb.
Onlara həftə ərzində üç dəfə 1 saat ərzində top qovmaq tövsiyə edilmişdi. 15 həftəlik məşqlərdən sonra onların sistolik və diastolik qan təzyiqinin göstəriciləri müvafiq olaraq 12 və 6 punkt enib. Ürək döyüntülərinin tezliyi isə dəqiqədə 14 zərbəyədək azalıb. Bundan başqa, qadınlar orta hesabla 2,3 kq piyi əridiblər, qanda zərərli xolesterinin miqdarı da azalıb.
Eksperimentdə iştirak edən qadınlar futbola könül bağlayıblar, baxmayaraq ki, əvvəllər bu idman növünə hətta nifrət edənlər də olub. Onların əksəriyyəti eksperiment bitdikdən sonra da futbolla məşğul olub.
Mənbə: Milli.Az
XƏBƏR LENTİ
