Sosial şəbəkələrdə həddən artıq vaxt keçirən, əllərindən smartfon düşməyən və sürəkli olaraq gözlərini smartfonun displeyinə zilləyib nə isə yazan, şərh edən, paylaşan insanların belə davranışını psixoloqlar "sosial şəbəkə xəstəliyi" adlandırırlar.Belə fanatik tutqunluğun müalicəsi çox çətindir. Xüsusilə də sosial şəbəkədə ifrat zaman keçirən şəxs qadındırsa.Amma deyəsən, çarə tapılıb.Milli.Az Daily Mail-ə istinadən bildirir ki, 3 D printer vasitəsilə çap edilmiş paltar sahibəsinin sosial şəbəkələrdə çox vaxt keçirməyinin qarşısını ala bilər.Paltar reaktiv displeylərdən ibarətdir və geyimin arxa hissəsindəki mikrokompüter vasitəsilə "idarə" olunur. Kompüter paltarı geyinmiş adamın onlayn aktivliyini izləyir.Əynində bu paltar olan şəxs sosial şəbəkələrdə nə qədər çox aktiv olarsa, geyimdəki reaktiv panellər bir o qədər şəffaflaşır. Aktivlik ifrat olarsa, paltar tam şəffaf hal alır və əynində bu geyim olan qadın lüt təsir bağışlayır.İon panellər sosial şəbəkələrdə həddən artıq aktiv insanı küçədə və ya ictimai yerdə olduğu zaman biabır edə bilər.
XƏBƏR LENTİ
- ŞƏRHLƏR