Çinin elm adamları illərdən bəri bədən quruluşu ilə psixologiya arasında əlaqə qurmağa çalışırlar. Onlar üz oxuma sənəti olan fizionomiyanı inkişaf etdirərək, üzün cizgilərinə görə xarakter tiplərini müəyyən ediblər. Milli.Az "Zaman Azərbaycan"a istinadən bildirir ki, burada əsas rolu alın, burun və çənə oynayır.Alın: Araşdırmalar göstərir ki, alnı geniş olan insanların xəyal qurmaq qabiliyyəti daha güclü olur və bu onlardakı intellektuallığın göstəricisi kimi qiymətləndirilir.Bunun tam əksinə, alnın dar olması isə diqqətli, zamanı dəyərləndirən və riyazi qabiliyyəti güclü xarakterin göstəricisi kimi hesab olunur. Qabarıq alın isə yumşaqxasiyyətliliyə və əliaçıqlığa işarədir.Gözlər: Gözləri çuxurda olan insanlar ciddi və sirli xarakter hesab olunurlar. Araşdırma nəticəsində gözləri bir-birinə yaxın olan insanların vasvası, qərarlı və hər şeyi incəliklərinə qədər araşdıran olduqları məlum olub. Gözlərin böyük olması açıqsözlülüyün, mülayimliyin və etibarlılığın göstəricisidir. Gözlərin kiçik olması isə həmin insanın diqqəti tez topladığına işarədir. Göz qapağı düşük olanlar pessimist, göz bəbəkləri çölə doğru olanlarda optimist düşüncə üstüklük təşkil edir.Burun: Geniş burun iş həyatında özünə güvəni, dar burun qətiliyi göstərir. Burnu böyük olanlar idealistdirlər və liderliyi sevirlər. Ucu aşağı olan burunun sahibləri insanlarla tez əlaqə qurmaq qabiliyyətinə malik olurlar. Çənə: Geniş çənə enerjinin və qəddarlığın göstəricisi hesab olunur. Lakin uzun çənə isə əsəbilikdən xəbər verir. Çənənin yuvarlaq olması enerjili bir xarakterə işarə edir.
XƏBƏR LENTİ
- ŞƏRHLƏR