Ömrünün 77-ci baharında dünyasını dəyişmiş görkəmli bəstəkar, Azərbaycan Respublikası Prezidentinin fərdi təqaüdçüsü, Dövlət mükafatı laureatı, xalq artisti, Bakı Musiqi Akademiyasının professoru Aqşin Əliqulu oğlu Əlizadəmayın 4-də son mənzilə yola salınmışdır.
AzərTAc xəbər verir ki, mərhumun cənazəsi Üzeyir bəy Hacıbəyli adına Bakı Musiqi Akademiyasının matəm sayağı bəzədilmiş salonunda postament üzərinə qoyulmuşdu. Postamentin ətrafına Azərbaycan Respublikasının Prezidenti adından, eləcə də Mədəniyyət və Turizm Nazirliyi, Təhsil Nazirliyi, Azərbaycan Bəstəkarlar İttifaqı, respublikamızın tanınmış teatrlarının və musiqi məktəblərinin kollektivləri adından əklillər düzülmüşdü.
Tanınmış mədəniyyət, incəsənət və elm xadimləri, mərhumun dostları, tanışları, bəstəkarın əsərlərinin pərəstişkarları akademiyanın binasına gələrək ona son borclarını verirdilər.
Azərbaycan mədəniyyətinin görkəmli simalarından biri olan Aqşin Əlizadə ilə vida mərasimində iştirak edənlər onun ailə üzvlərinə və yaxınlarına dərin hüznlə başsağlığı veriblər.
Matəm mərasimini açan mədəniyyət və turizm naziri Əbülfəs QarayevAzərbaycan bəstəkarlıq məktəbinin görkəmli nümayəndələrindən biri olan Aqşin Əlizadənin həyat və yaradıcılıq fəaliyyətindən danışmışdır. Bildirilmişdir ki, Aqşin Əlizadə Azərbaycan xalqının çoxəsrlik musiqi ənənələrinə dərin bağlılığı ilə səciyyələnən və dünya musiqi incəsənəti xəzinəsindən ustalıqla bəhrələnən sənəti ilə milli mədəniyyət salnaməsinə parlaq səhifələr yazmışdır. Onun özünəməxsus fərdi xüsusiyyətlərə malik yaradıcılığı Azərbaycanda müasir bəstəkarlıq məktəbinin inkişafında yeni mərhələnin başlanğıcı ilə bir dövrə təsadüf edir. Fitri istedadı hələ tələbə ikən, 1960-cı illərin əvvəllərindən etibarən özünü büruzə verən Aqşin Əlizadə yarım əsrə yaxın bir müddətdə çoxlu sayda dəyərli əsərlər ərsəyə gətirmişdir.
Nazir demişdir ki, sənətkarın ən müxtəlif musiqi janrlarını əhatə edən yaradıcılıq palitrası olduqca zəngin və rəngarəngdir. Bəstələdiyi balet, kantata və simfoniyaları, kamera orkestri, xor və simfonik orkestr üçün əsərləri Aqşin Əlizadəyə geniş şöhrət qazandırmışdır. O, ilk milli qəhrəmanlıq baleti “Babək” və müşayiətsiz xor üçün “Bayatılar” silsiləsi ilə Azərbaycan musiqisi tarixinə yeni janrlar gətirmişdir. Bəstəkarın yaradıcılığında kinofilmlər və tamaşalar üçün yazdığı musiqilər və mahnılar da xüsusi yer tutur. Aqşin Əlizadə ayrı-ayrı illərdə ali məktəblərdə müəllimlik edərək gənc musiqiçilər nəslinin yetişdirilməsi və peşəkar musiqiçi kadrların hazırlanması işində əhəmiyyətli rol oynamışdır.
Diqqətə çatdırılmışdır ki, Aqşin Əlizadənin ictimai fəaliyyəti çoxşaxəli olmuşdur. O, uzun illər ərzində Azərbaycan Bəstəkarlar İttifaqının rəhbərliyində təmsil olunmuş, Azərbaycan Kinematoqrafçılar İttifaqına, müxtəlif elmi və müdafiə şuralarına, o cümlədən on birinci çağırış Azərbaycan Respublikası Ali Sovetinə deputat seçilmişdir. Aqşin Əlizadə cəmiyyət həyatında baş verən taleyüklü hadisələrə münasibətdə həmişə vətəndaş və ziyalı mövqeyi nümayiş etdirmişdir. Azərbaycan musiqi mədəniyyətinin inkişafı və təbliği sahəsində Aqşin Əlizadənin xidmətləri yüksək qiymətləndirilmişdir. O, bir çox fəxri adlara layiq görülmüş, Azərbaycan Respublikasının ali mükafatları - “Şöhrət” və “Şərəf” ordenləri ilə təltif olunmuşdur.
Azərbaycan Bəstəkarlar İttifaqının sədri, xalq artisti Firəngiz Əlizadə isə bildirmişdir ki, Aqşin Əlizadənin əsərləri nəinki ölkəmizdə, hətta respublikamızın hüdudlarından kənarda da sevilə-sevilə səslənir. Qeyd edilmişdir ki, onun bəstəkar kimi formalaşmasında xalq musiqisini dərindən bilməsi, böyük sənətkarımız Cövdət Hacıyevin sinfində təhsil alması, əməksevərliyi və daim öyrənmək həvəsi böyük rol oynamışdır.
Mərasimdə çıxış edən Azərbaycan Milli Konservatoriyasının rektoru, xalq artisti Səyavuş Kərimi, bəstəkar Musa Mirzəyev, əməkdar incəsənət xadimi Sərdar Fərəcov və başqaları vurğulamışlar ki, Aqşin Əlizadə sənətinin başlıca qayəsi xalqın qəhrəmanlıq dolu keçmişinin, vətənə məhəbbətin, humanizmin, həyata inamın və insanın mənəvi ucalığının tərənnümündən ibarətdir. Təbiət lövhələrinin canlılığı, parlaq obrazlılıq və melodizm, xüsusən milli muğamlardan qaynaqlanan cəhətlər bəstəkarın əsərləri üçün xarakterikdir. Aqşin Əlizadənin musiqi irsi öz gücünü Azərbaycan xalq musiqisinin dərin qatlarından almışdır. Müasir kompozisiya üsullarından da uğurla istifadə edən sənətkar milli musiqi mədəniyyətinə layiqli töhfələr vermişdir.
Qeyd edilmişdir ki, Aqşin Əlizadə Azərbaycan musiqisinin klassiki Üzeyir bəy Hacıbəyli ənənələrinin ən parlaq davamçılarından biridir. Aqşin Əlizadənin musiqisində insanı cəlb edən gözəlliyin, səmimiliyin və həyatiliyin sirri onun xalq musiqi sənətinə bağlılığındadır. Onun musiqisində müdrik muğamlarımızın təsirli avazı, döyüşkən cəngilərin harayı, həzin nəğmələrimizin ahəstə zümzüməsi, odlu rəqslərin oynaq ritmləri, aşıq musiqisinin həyatsevər ruhu yaşayır, səslənir.
Çıxış edənlər bildirmişlər ki, görkəmli bəstəkar, mahir pedaqoq, əsl ziyalı və gözəl insan Aqşın Əlizadənin işıqlı xatirəsi xalqımızın qəlbində həmişə yaşayacaq, onun əsərləri heç zaman unudulmayacaqdır.
Aqşin Əlizadənin oğlu Əli Əlizadə çıxış edərək atasının xatirəsinə göstərilən ehtirama görə Prezident İlham Əliyevə, o cümlədən mərasim iştirakçılarına minnətdarlığını bildirmişdir.
X X X
Görkəmli bəstəkar Aqşin Əlizadənin cənazəsi Bakı Musiqi Akademiyasından götürülərək birinci Fəxri xiyabana gətirilmişdir. Burada mərhumun ruhuna dua oxunmuş və cənazəsi torpağa tapşırılmışdır. Məzarın üstünə əklillər, gül dəstələri düzülmüşdür.
Allah rəhmət eləsin, qəbri nurla dolsun!
XƏBƏR LENTİ
Mehmet Ali Erbildən xəbər var-FOTO
Kondisioner işlədən HƏR KƏS BİLMƏLİDİR - Sətəlcəm olmaq istəmirsinizsə...
Məşhur futbolçu vurduğu qolu nənəsinə həsr etdi
Avropalı bayrama nə qədər xərcləyir?
Doğuşdan sonra qəbizlik
Deniz Akkayadan Gözlənilməz ETİRAF
Dəcəl Qadın.Net xanımları (4)
Ecaskarlıq nişanəsi-"Vual"-ın tarixi
Yuxuda tərləməyin səbəbləri
Misirdə Xeops ehramı bu yolla tikilib-Qədim papirus tapıldı
Sentyabrda hava necə olacaq?
Ərinizin xəyanətini necə qarşılamalısınız?
İçimizdəki bakteriyalar
Bayramda çəkini necə qorumalı?
Belə dəyişdi: 18 aya 114 kq arıqladı
Allahın möcüzəsi: bir gözündə xəritə, o biri gözündə qartal
Okeanda müəmmalı varlıqlar peyda oldu - Alimlər ŞOKda
NASA-nın rəhbəri: "Yerdən kənarda canlı həyat var"
Sabahın HAVAsı
Türkiyədə Prezident İlham Əliyevə həsr olunmuş sərgi yüksək qiymətləndirilib
İrandan İŞİD-ə zərbə
Qat-qat xəmirdən pendirli piroq (foto-resept)
Düyü şorbası (foto resept)
7 yaşlı uşağın ağzından 526 diş çıxarıldı-FOTO
Sinan Akçıldan qəribə açıqlama
Burma şirniyyat
Qadin.Netlilərin maraq dünyası (4-cü hissə)
"Arşın mal alan" Marionet teatrının səhnəsində
“Selfie” çəkib paylaşan kişilər xəstədir
Təsirli Koreya filmləri
Türkiyənin məşhur kanalı bağlandı
Məşhur futbolçunun BOŞANMA xəbəri yayıldı-FOTO
Fərqli yeni il ağacları
İş adamlarının həbsinə başlanıldı
Can Yamanın Əsgərlik FOTOsu Yayıldı
Kolumbiya gözəllik kraliçasını seçdi-FOTO
Ətrafındakı gözəlliyi görə bilirsənmi?
İmtahanlar 7-dək bitəcək
Hər işçiyə əlavə 1000 dollar veriləcək - Evdən işlədikləri üçün - VİDEO
Depressiya daha çox hansı insanlarda müşahidə olunur?
1 Avqust Azərbaycan Əlifbası və Azərbaycan Dili Günüdür
Şikayət etməyin ziyanı
Övliyaların qəbirləri dağıdılır
Ancelinaya bənzəməyə çalışan Səhər boynunu qırdı-FOTO
Uyğun cütlüksünüzmü?
Doğulmamış körpəsini itirən ana
Bir şəkillə həyatı dəyişən insanlar
Turistin açıq kosmosa çıxması ilə bağlı ilk müqavilə imzalandı
Fransa Fələstini tanımağa hazırlaşır
ATƏT-in Minsk qrupundan XİN başçılarının görüşü ilə bağlı BƏYANAT
- ŞƏRHLƏR