Alimlər beyin üçün faydalı olan ən faydalı ərzaqların siyahısını hazırlayıblar.
Milli.Az Rusiya mətbuatına istinadən bildirir ki, birinci yerdə omeqa-3 turşusu ilə zəngin olan yağlı balıqdır. Omeqa-3 baş beyində boz maddənin yaranmasında iştirak edir. Balığı həftədə 1-2 dəfə yemək lazımdır.
Süd və süd məhsulları da faydalıdır. Onların tərkibindəki birləşmələr hüceyrələr arasındakı mübadiləni sürətləndirir və bu səbəbdən insanın intellektual bacarıqları yaxşılaşır. Məsələn, müntəzəm olaraq süd içənlərin yaddaşı və məntiqi güclənir.
Paxlalı bitkilər fol turşusu və B vitamini ilə zəngindir. Üçüncü yerdə qərarlaşan bu məhsullar yaddaşı qüvvətləndirir.
Sırada pomidor var. Onun tərkibindəki likopin antioksidantı beyin hüceyrələrini zədələməyə qadir olan sərbəst radikalları zərərsizləşdirir. Maraqlıdır ki, termik emaldan sonra likopinin qədəri artır.
Adıçəkilən məhsullardan savayı, qarağat, kələm, çuğundur və ispanaq da beyinə faydalı ərzaqlar sayılır.
XƏBƏR LENTİ
- ŞƏRHLƏR