Bir müddət də keçsə, onu heç nə ilə məhv etmək mümkün olmayacaq. Avstraliya İnfeksion Xəstəliklərin Araşdırılması Mərkəzinin alimləri qorxunc bəyanatla çıxış ediblər: E.coli patogeninin elə bir ştammı var ki, onu tam dərman dayanıqlığından cəmi bir gen ayırır. Milli.Az Rusiya mətbuatına istinadən bildirir ki, bu o deməkdir ki, xırdaca bir gen mutasiyası bağırsaq çöpünü tamamilə müalicəsiz, yəni bütün dərmanlara qarşı dayanıqlı edə bilər. Bu, ST131 ştammıdır. O, çox geniş yayılmaqdadır. İldən-ilə də qan və sidik yolları infeksiyasını müalicə etmək çətinləşir. Hər il dünyada 150 milyon insan sidik yolları infeksiyasına yoluxur. Beş il əvvəl isə E.coli-nin ST131 ştammı bu qədər qorxulu deyildi.
Hələlik alimlər ST131 ştammının bir "əcdad"dan 10 il əvvəl yarandığını aşkar ediblər. Mütəxəssislər dünyanın 6 regionundan toplanmış E.coli ST131 ştammının genetik fərqlərini ortaya qoymaq üçün ən yeni DNT araşdırması texnologiyalarından istifadə etməyə çalışırlar.
Mənbə: Milli.Az
XƏBƏR LENTİ
- ŞƏRHLƏR