Nişandan toya qədər olan müddətdə kişilərin, demək olar ki, əksəriyyəti üzükləri barmaqlarından çıxarmırlar. Toydan sonra isə... Toydan sonra isə elə həmin kişilər hər bəhanə ilə bu zinət əşyasını daşımamağa çalışırlar. Qadınlar isə digər çoxsaylı zinətlərin arasında həmin üzüyə daha çox önəm verirlər.
Nəyə görə belə olur? Evli kişilər üzük taxmalıdırlarmı? Milli.Az xəbər verir ki, məsələ barədə öz fikirlərini Day.Az saytına müğənni Rüfət Axundov bildirib.
"Məncə, belə etmək lazım deyil. Öz evliliyini reklam eləmək nəyə lazımdır ki? Bilənlər onsuz da bilir, bilməyənlər də soruşacaqlar. Düzünü desəm, heç bilmirəm ki, nişan üzüyüm haradadır. Sonuncu dəfə nə vaxt taxdığımı da bilmirəm. Üzüyün taxılması hələ sevginin nümunəsi demək deyil. Bəli, qadınlar üzük taxırlar. Onlar bir çox zinət əşyalarından istifadə edirlər. Bu o demək deyil ki, kişilər də bunu etməlidirlər", - müğənni bildirib.
Bəs siz necə fikirləşirsiniz? Nişan üzüyünü taxmaq vacibdirmi?
Milli.Az
XƏBƏR LENTİ
- ŞƏRHLƏR