Püşkatma bizim vaxtla saat 19:30-da başlayacaq və saat 21:00-a kimi davam edəcək. İtaliyanın “RAI Sport” telekanalının canlı yayımlayacağı püşkatma mərasimi Farneze Teatrında keçiriləcək. Püşkatma Beynəlxalq Voleybol Federasiyasının prezidenti Doktor Ari Qrasa, İtaliya Voleybol Federasiyasının prezidenti Karlo Maqri, Təşkilat Komitəsinin prezidentiKarlo Salvatori və İtaliya Olimpiya Komitəsinin prezidenti Covanni Malaqonun iştirakı ilə baş tutacaq.
Millimizin də yer alacağı mundialda iştirakçı 24 komandadan 18-i artıq bəllidir. Yalnız Şimali Amerika zonasının ən yaxşı 6 komandası (NORSEKA) müəyyənləşməyib ki, onların hansı millilər olacağı iyunun əvvəllərində bilinəcək. Artıq 4 qrupda bəzi komandaların adları bilinir. İndi 3 səbətə bölünən 12 komandanın hansı qruplarda iştirak edəcəyi müəyyənləşməlidir. Millimiz bunun üçün 3-cü səbətdə yer alıb.
A qrupu: İtaliya, NORSEKA-2, Almaniya
B qrupu: Braziliya, Serbiya, Türkiyə
C qrupu: NORSEKA-1, Rusiya, Tailand
D qrupu: Yaponiya, Çin, NORSEKA-3
1-ci səbət: Hollandiya, Argentina, NORSEKA-4, NORSEKA-5
2-ci səbət: Belçika, Qazaxıstan, Xorvatiya, Kamerun
3-cü səbət : Tunis, NORSEKA-6, Bolqarıstan, AZƏRBAYCAN
Qeyd edək ki, bu ilin sentyabrın 23-dən oktyabrın 12-dək İtaliyada keçiriləcək dünya çempionatının oyunları bu 6 şəhərdə keçiriləcək: Roma, Triest, Verona, Bari, Modena və Milan. Hər qrupda ilk 4 komanda növbəti qrup mərhələsinə vəsiqə qazanacaq.
Mənbə: Milli.Az
XƏBƏR LENTİ
