Niyə belə edirik? Nəyə görə səhhətimiz həyəcan təbili çalana qədər ona əhəmiyyət vermirik? Axı xoşbəxtlik 10-dursa, onun doqquzu sağlamlıqdır.
Milli.Az Day.Az saytına istinadən bildirir ki, ən azı altı aydan bir stamatoloqa baş çəkmək, ildə bir dəfə oftalmoloq və terapevtə getmək, heç olmasa iki ildən bir daxili orqanları yoxlatmaq lazımdır. Biz hamımız bunları bilirik, amma nədənsə əməl etmirik. Fərqli səbəblərə görə. Kimsə özünü sağlam hesab edir, kimsə müalicə xərclərini nəzərə alaraq bunu etmir. Maliyyə məsələsindən əlavə, ənənəvi "əşi... düzələr" məsələsi də var. Çox adam orqanizmində narahatlıq hiss edəndə "düzələr" deyib üstündən keçir. Həkimə getmək qərarına gələndə isə artıq gec olur. Ağızda ondan artıq diş qalmır, ürək narahat olur və s. Bəlkə, orqanizmimizi vaxtında yoxlayaq ki, sabahkı problemlərdən vaxtında qurtula bilək. Axı həyat insana bir dəfə verilir. Elə deyil?
Mənbə: Milli.Az
XƏBƏR LENTİ
- ŞƏRHLƏR