Milli.Az Kanal S-ə istinadən xəbər verir ki, Qəbələdə rabitə xidmətinin keyfiyyətinin yüksəldilməsi sahəsində son vaxtlar geniş zolaqlı işlər görülüb. Belə ki, Qəbələ TKQ-nın xidməti ərazisində rayonunun bütün kəndləri tam rabitə ilə təmin edilib. Rayon üzrə hər 100 təsərrüfata düşən telefon abunəçilərinin sayı 53 ədəd təşkil edir.Qəbələ TKQ-da 2013-cü ilin 9 ayında Nic, Tikanlı, Məmmədağalı və Vəndam kəndlərinin birləşdirici xətlərinin FO kabelinə keçməsi üçün qazıntı işləri başa çatdırılıb, Nic, Vəndam kənd Elektron ATS-ləri üçün transmissiya avadanlıqları alınıb və rabitə FO kabeli üzərindən verilib. İlin sonuna qədər şəhər və kənd telefon şəbəkəsində göstərilən rabitə xidmətinin keyfiyyətinin yüksəldilməsi ilə bərabər digər multimedia xidmətlərinin abunəçilərin istifadəsinə verilməsi işi sürətləndirilib. Bu məqsədlə Qəbələ TKQ-a 2592 portluq genişzolaqlı avadanlıqlar alınıb EATS-lər də quraşdırılıb. Hal-hazırda ümumilikdə rayonun əlavə 33 kəndi internet xidmətindən istifadə edir. Genişzolaqlı internet xidmətindən istifadə edən abunəçilərin sayı 2436 nəfərdir. 2013-cü ilin 9 ayında ötən ilin yekunu ilə müqayisədə internet portlarının sayı 45,3 %,- 808 port artıb.
Mənbə: Milli.Az
XƏBƏR LENTİ
- ŞƏRHLƏR