Prezident İlham Əliyev dünya azərbaycanlılarına müraciət ünvanlayıb.
AZƏRTAC xəbər verir ki, müraciətdə deyilir:
“Əziz həmvətənlər!
Hörmətli soydaşlar!
Əsası ulu öndər Heydər Əliyev tərəfindən qoyulmuş 31 Dekabr – Dünya Azərbaycanlılarının Həmrəyliyi Günü münasibətilə sizi ürəkdən təbrik edir, hər birinizə səmimi arzu və diləklərimi çatdırıram.
2020-ci ili bütün dünyada koronavirus pandemiyası ilə gərgin mübarizə şəraitində başa vururuq. Yaranmış vəziyyətdən minimum itkilərlə çıxmaq üçün Azərbaycan hökuməti ilk günlərdən ardıcıl tədbirlər həyata keçirmişdir. Bu addımlar, habelə Azərbaycanın köməyə ehtiyacı olan dövlətlərə humanitar yardımları Ümumdünya Səhiyyə Təşkilatı tərəfindən yüksək qiymətləndirilmişdir.
Türkdilli Dövlətlərin Əməkdaşlıq Şurasının və 120 dövlətin təmsil olunduğu Qoşulmama Hərəkatının sədri kimi Azərbaycanın təşəbbüsü ilə hər iki təsisatın COVID-19-a qarşı mübarizəyə həsr olunmuş videoformatda Zirvə görüşü baş tutmuşdur.
Cari ilin dekabr ayında Qoşulmama Hərəkatının sədri qismində Azərbaycanın təşəbbüsü əsasında və 150-dən artıq dövlətin dəstəklədiyi BMT Baş Assambleyasının koronavirusa qarşı dövlət və hökumət başçıları səviyyəsində Xüsusi Sessiyası keçirilmişdir. Bu, Azərbaycanın qlobal proseslərdə fəal iştirakının, ölkəmizə olan hörmətin, beynəlxalq dəstəyin əyani göstəricisidir.
Ermənistanın danışıqlar prosesini sarsıdan təhrikçi açıqlamaları və əməlləri, iyul ayında dövlət sərhədinin Tovuz istiqamətində törətdiyi hərbi təxribat, qoşunlarını təmas xəttinə cəmləşdirməsi, terror əməllərini törətmək üçün diversiya qruplarını göndərməsi onun növbəti çirkin niyyətlərindən xəbər verirdi. Bu ilin sentyabr ayında BMT Baş Assambleyasının 75-ci sessiyası zamanı beynəlxalq ictimaiyyət Ermənistanın yeni müharibəyə hazırlaşması barədə xəbərdar edilmişdir.
Sentyabrın 27-də Ermənistanın ölkəmizə qarşı törətdiyi hərbi təcavüzə cavab olaraq Azərbaycan xalqı Vətən müharibəsinə qalxmışdır. Müzəffər Azərbaycan Ordusu hər anı qəhrəmanlıqlarla dolu 44 gün ərzində düşməni ağır məğlubiyyətə uğratmış və ölkəmizin ərazi bütövlüyünü bərpa etmişdir. Milli dövlətçilik tariximizdə və xalqımızın yaddaşında əbədi yaşayacaq şanlı Zəfər xalq-iqtidar birliyi, ordumuzun yüksək peşəkarlığı və gərgin siyasi-diplomatik fəaliyyət sayəsində əldə edilmişdir.
Ordumuzun ərazi-relyef baxımından son dərəcə mürəkkəb şəraitdə və qısa müddətdə həyata keçirdiyi “Dəmir yumruq” əməliyyatı dünya hərb tarixinə düşərək aparıcı hərbi mərkəzlər və mütəxəssislər tərəfindən öyrənilir.
Dekabrın 10-da Bakının Azadlıq meydanında keçirilmiş möhtəşəm Zəfər Paradı Azərbaycan dövlətinin siyasi, iqtisadi və hərbi qüdrətini, xalqımızın iradəsini, ordumuzun qələbə əzmini, əsgər və zabitlərimizin sarsılmaz döyüş ruhunu nümayiş etdirmişdir.
Xalqımıza milli qürur və şərəf hissini, qələbə sevincini yaşadan, üçrəngli bayrağımızı işğaldan azad olunmuş torpaqlarımızda, Qarabağın tacı olan müqəddəs Şuşada dalğalandıran müzəffər ordumuzun bütün şəxsi heyətinə bir daha dərin minnətdarlığımı bildirirəm. Şəhidlərimizin ölməz ruhu qarşısında baş əyərək onlara Allahdan rəhmət diləyir, yaralı hərbçilərimizin tezliklə şəfa tapmasını arzulayıram.
Vətən müharibəsi zamanı Azərbaycan beynəlxalq informasiya məkanında öz sözünü deyərək ölkəmizə qarşı aparılan dezinformasiya kampaniyalarının qarşısını almış, Ermənistanın vandalizmini və mülki insanlara qarşı terror siyasətini beynəlxalq ictimaiyyətin diqqətinə çatdırmışdır.
Ermənistanın işğalı və vəhşiliyi nəticəsində başdan-başa dağıdılmış doğma Qarabağımızı əminəm ki, biz ən qısa zamanda əsl cənnətə çevirəcəyik.
Müqəddəs Vətən müharibəsi zamanı xaricdə yaşayan soydaşlarımızın düşmənin və anti-Azərbaycan dairələrin məkrli təxribatlarına qarşı cəsarətli etirazları, Azərbaycan həqiqətlərinin dünya ictimaiyyətinə çatdırılması işində fədakar xidmətləri Qələbəmizə layiqli töhfə olmuşdur.
Əziz həmvətənlər!
Doğma Azərbaycanımızın daha da güclənməsi və çiçəklənməsi naminə fəaliyyətinizdə hər birinizə uğurlar arzulayıram”.
![](/sfiles/img/icons/news-icon.png)
XƏBƏR LENTİ
Yaşıl soğan və kefirli oladilər (foto resept)
“WhatsApp”dan yeni gizlilik müqaviləsi ilə bağlı AÇIQLAMA
Moskvaya yeni erməni ittihamı
Şəkilə "fokus" vermək effekti
Quru lobya şorbası (foto resept)
Tuba Büyüküstün SAÇ STİLİNİ dəyişdi - FOTO
Məşhur cütlük yeni ev axtarışına çıxdı-SƏBƏB
Hüseyn Cavid kimdir, bilən varmı?
Emin Ağalarov: “Qarabağ münaqişəsinin yeganə həll yolu torpaqların erməni işğalından azad olunmasıdır” - VİDEO
20 milyona pişik satılır-FOTO
Bu xəstəliklər doğuşu ağırlaşdırır - Hamilələrin nəzərinə - VİDEO
Sneyder üsyan etdi
Kişilər tərk edərkən...
Ən bahalı kökə bişirildi
Paytaxtda iri marketlər bağlanır
HAVA necə olacaq? 29 İyun
Yuxunu qaçıran kölgə
Rəsmi Bakı Ukraynada vəziyyətin ən tez zamanda stabilləşməsinin tərəfdarıdır
Həkim xəbərdarlıq edir: uşaqlarınızı evdən buraxmayın
Hicablı xanımlar üçün
İmam sarığı tortu(foto resept)
Pakistan ayağa qalxdı
Sərnişinlər Gəncəyə ikimərtəbəli qatarlarda gedəcəklər
Azərbaycanın bəzi rayonlarına giriş-çıxış dayandırıldı - RƏSMİ
Gözünüzün rəngi xasiyyətinizdən xəbər verir
Bakıda 8-9 bal gücündə zəlzələlər ola bilər - XƏBƏRDARLIQ
HAVA necə olacaq?-16 Sentyabr
Şəki kəndlərinin içməli su təchizatı yaxşılaşdırılır
Şotlandiya qəsri satışa çıxarıldı-FOTO
Mehmet Ali Erbilin 61 yaşı qeyd ediləcək
Bella Hadid növbəti FOTOsu ilə diqqət çəkdi
Tom Hanks Yunanıstan Vətəndaşı olacaq
Məşhur qadının məzarı tapıldı
Bakı haqqında 1968-ci ildə çəkilmiş və heç vaxt görmədiyiniz film - VİDEO
Nənə öz nəvəsini dünyaya gətirdi
Fantastik şəkillər
Serbiya Tovuz döyüşlərinə görə Ermənistana silah yardımı edib? - Dostluq qrupunun rəhbərindən AÇIQLAMA
Evdə saç rəngini açmaq üçün 2 təbii üsul
İlham Əliyevdən işğaldan azad edilmiş torpaqlarımızla bağlı paylaşım
HAVA necə olacaq?- 17 MART
Dəbdən düşməyən ayaqqabılar(1)
“Bütün günahlar Rusiyadadır”
1001 dərdin dərmanı-Heyva
Tələbə olmaq istəyənlərin NƏZƏRİNƏ: İmtahan başlayır
Ordumuzda yenilik
Gündəlik geyim kombinasiyaları (2)
Dazlaşma problemi olanlar, çarə tapıldı
Səyyar ASAN bu rayonlarda xidmətə başlayır
Qarabağ münaqişəsinin başlamasından 28 il ötür
TQDK elan etdi
![](/sfiles/img/icons/valuable-icon.png)