NASA koronavirusdan qorunmaq üçün boyunbağı hazırlayıb.
Bəzək əşyası sahibi hər dəfə üzünə toxunmağa çalışarkən titrəyərək, xəbərdarlıq edəcək.
Qadin.Net bildirir ki, bu barədə “Daily Mail” xəbər yayıb.
Bildirilir ki, boyunbağı 3D printerdə çap ediləcək.
Cihaz infraqırmızı sensorun köməyi ilə əlin üzə həddən artıq yaxınlaşmasını müəyyən edir. Hərəkəti aşkar edən kimi boyunbağının içərisində kiçik mühərrik işə düşür.
Beləliklə, tərtibatçılar COVID-19-un gözlər, burun və ağız vasitəsilə bədənə ötürülməsinin qarşısını almağa çalışırlar.
NASA-dan o da vurğulanıb ki, bəzək əşyası maska və koronavirusa qarşı digər fərdi qoruyucu vasitələri əvəz etmir, onlarla birlikdə istifadə edilə bilər.
Bundan əlavə, tərtibatçılar boyunbağının müxtəlif rənglərdə istehsala buraxılacağına söz veriblər.
XƏBƏR LENTİ
