Müğənni Samirə Əfəndinin "Eurovision 2020" mahnı müsabiqəsində oxuyacağı mahnı kliplə birlikdə təqdim edilib.
Qadin.Net axşam.az -a istinadən xəbər verir ki, "Cleopatra" adlanan mahnının tam versiyası yarışmanın rəsmi səhifəsində yayımlanıb.
Mahnının müəllifləri niderlandlı Allan Roy Skott, Sara Leyk və Lyuk Van Birsdir. Bu kompozisiyanın prodüserləri isə müəlliflərdən biri olan Lyuk Van Birs, digəri isə Toni Kornelissendir. Mahnıda Azərbaycan Milli aləti tar, həmçinin balaban və ud səslənib.
Mahnının klipi Qobustan Tarixi Qoruğunda quruluşçu rejissor və operator Aleks Lamax tərəfindən çəkilib. Ekran işinin prodüseri İsa Məlikovdur.
Qeyd edək ki, şüarı “Open up!” ("Açıl!") olan “Eurovision-2020” mahnı müsabiqəsinin yarımfinal mərhələləri mayın 12 və 14-də, final mərhələsi isə mayın 16-da "Ahoy Arena"da reallaşacaq. Azərbaycan təmsilçisi “Eurovision-2020” müsabiqəsinin birinci yarımfinalının ikinci hissəsində çıxış edəcək
XƏBƏR LENTİ
- ŞƏRHLƏR