Qadin.NET / Bu adaya gələnlər yoxa çıxır

Bu adaya gələnlər yoxa çıxır

Bu adaya gələnlər yoxa çıxır

Kanadanın Nava Scotia adasının yaxınlığında yerləşən bu kiçik ada bu günə kimi milyonlarla insanın diqqətini çəkib. Adanı araşdırmaq üçün bura gələn mütəxəssislər təssüf ki, heç bir məlumat əldə edə bilməyiblər. Əfsanələrə görə, insanların bu adaya həddən ziyadə diqqət göstərməsinin səbəbi adada gizli xəzinənin olmasıdır.

Qədim dövrlərdə bu günə kimi insanlar hər zaman gizlədilmiş xəzinələrin varlığına inanıblar. Bu səbəbdən də xəzinə axtarışına çıxan insanların başlarına gələn qorxunc hadisələrin sayı-hesabı yoxdur.

Bu adaya gələnlər yoxa çıxır

Müxtəlif şayiələrə görə, məhz Oak adasında da heç kimin təxmin edə bilməyəcəyi dəyərdə xəzinə gizlədilib. Haqqında müxtəlif əfsanələr gəzən bu adanı bəzi mənbələrdə "pul quyusu" da adlandırırlar.

Bir rəvayətə görə, 1795-ci ilin yaz aylarında 16 yaşlı Daniel McGinnis gəmisi ilə Mahone Körfəzini keçib və Oak adasını gəlir. Əvvəl köhnə cığırlardan meşənin dərinliklərinə doğru yol alan Daniel, daha sonra ətrafında ağacların olmadığı ucsuz-bucasız bir bölgəyə çıxır. Bölgədə yalnız bir böyük palıd ağacı olub. Palıd ağacının budaqlarından biri budanmış və yaxındakı çalaya basdırılmışdı. Ağacın ətrafında qazılmış və sonradan üstü örtülmüş bu çuxur Danielin diqqətini çəkib. Daniel bəlkə də xəzinəni tapan ilk insan olub. Lakin həmin gün evə qayıdıb. Qərar verib ki, ertəsi gün dostları ilə birlikdə buraya yenidən gələr və çuxurun içərisində tam olaraq nəyin gizlədildiyini öyrənər. Məhz bu çuxur sonradan "pul çuxuru" adlandırılmağa başlayıb

Bu adaya gələnlər yoxa çıxır

Yenidən əraziyə gələn 3 nəfər yeniyetmə çuxuru qazmağa başlayıb. 9 metr dərinlikdə qazılan çuxurdan heç bir şey tapmayan gənclər geri dönüb ərazidə qazıntı işləri aparmaları üçün Chestera ərazisindəki insanlardan kömək istəyiblər.

Bu adaya gələnlər yoxa çıxır

Gənclərin nədən bəhs etdiklərini ilk anlayan yaşlı bir qadın olub. O, bölgədə məskunlaşan ilk insanlardan idi. Qadının anası keçmişdə Oak adasında yaşanan qorxunc hadisələrdən danışıb:

"Bir zamanla Oak adasında odlar və qəribə işıqlar görünürmüş. Hadisənin nə olduğunu aydınlaşdırmaq üçün bir gəmi dolusu adam adaya gedib və onlar heç bir iz olmadan yoxa çıxıblar. Həmin hadisənin üzərindən 9 ilə yaxın vaxt keçib, amma o insanların nə ölüsü, nə də dirisi haqqında heç bir məlumat yoxdur."

Bu adaya gələnlər yoxa çıxır

30 yaşlı Chestera sakini Simeon Lynds hekayədən təsirlənir və gənclərə kömək etmək qərarına gəlir. Daniel və yoldaşlarına qoşulan Simeon 1804-ci ildə əsrarəngiz Oak adasını kəşfə çıxırlar.

Kim tərəfindən, nə zaman və nə üçün qazıldığı bilinməyən çuxuru gənclər daha əvvəl 9 metr qazmışdılar. Daniel və yoldaşları gördükləri mənzərə qarşısında təəccübləniblər. Aradan çox vaxt keçməsə də çuxurda əlavə qazıntı işləri aparılmışdı.

Bu adaya gələnlər yoxa çıxır

Müəmmalı çuxurun qazıntılarına davam edən dəstə hər üç metrdən bir çuxurun içərisində eyni ağac kötüklərinə rast gəlib. 12 metrdən sonra isə kötüklərin üstündə bir kömür təbəqəsinin olduğu görülüb. 15 metrdən sonra çuxurda bir qat şüşə örtük olduğu görülüb. Qazmağa davam edən dəstə 18 metrdən sonra hindqozu lifləri ilə örtülmüş bir qat tapıb. Nəhayət 27 metr dərinliyə çatan qrup ən qəribə şeyi kəşf edib. Çuxurun dərinliyində üzərində qəribə bir yazının həkk olunduğu daş tapılıb. Daşı çıxardıqdan sonra quyuya mənbəyi bilinməyən yerdən su dolmağa başlayıb. Qazıntılar yarıda qalıb. Daniel və yoldaşları müəmmalı şəkildə yoxa çıxıb.

Bir il sonra Oak adası haqqında eşidən başqa bir dəstə bu adanın sirrini araşdırmağa başlayır. Qazılan quyuya paralel quyu qazaraq dərinlikdə nəyin gizlədildiyini öyrənməyə çalışan bir başqa qrup qazıntıları yarıda saxlamalı olur. Lakin qazıntılar nəticəsində müəmmalı şəkildə quyuya dolan su tapılır. Çuxur ətrafında dənizə təxminən 150 metrlik su yolu gedib. Qazıntılar 45 il ərazində dayandırılır. Qazıntı aparan insanlar sonradan yoxa çıxırlar. İnsanlar onların hansı səbəbdən yoxa çıxmasını hələ də başa düşə bilmir.

Bu adaya gələnlər yoxa çıxır

1849-cu ildə bir şirkət lənətlənmiş Oak adasındakı qəribə quyu üzərində araşdırma aparmaq üçün yola düşür. Bu dəfə qazıntılar nəticəsində quyudan paxla formalı maraqlı üç kiçik qızıl zəncir tapılır. Lakin quyudan çıxarılan qızıl halqalar torpağa qoyulan kimi yox olublar. Səbəbi isə heç kimə məlum deyil. Şirkət əməkdaşlarının adadan ayrıldıqlarını görən şəhər sakinləri sonradan onların da qeyb olması barədə xəbərlər eşitdiklərini deyiblər.

Oak adasında araşdırmalar bu günə kimi davam edir. Pul çuxuru adlanan quyu da qazıntıların aparılması üçün xüsusi güclü texnika ayrılsa da, 221 ildir qazılan quyunun nə sonu, nə də orada gizlədildiyi iddia edilən xəzinə barədə məlumat yoxdur. Buraya düşən insanların sonrakı taleyi barədə isə müxtəlif şayiələr dolaşır.

 

Könül Cəfərli

Publika.az 

9 aprel 2018
GO BACK