Yazıçı Rövşən Abdullaoğlu İspaniya, Barselona, Antoni Tapies muzeyində olub və ordakı təəssuratlarını şəkillərlə bölüşüb.
Antoni Tapies (1923 - 2012) dünyaca tanınmış ispan rəssamı, heykəltəraşıdır. Bir çox sanballı mükafatların sahibidir. Dövrünün ən görkəmli Avropa rəssamlarından biri sayılır. Əsərləri abstrakt ekspressionizmə aid olması ilə seçilir. Özünə xas üslubu vardır: Лќmaterial incəsənətЛќ. Yəni əsərlərini sənaye tullantılarından istifadə edərək yaradır. Məsələn, daşdan, qumdan, köhnə parçadan, mismardan, nimdaş paltarlardan, cırıq ayaqqabıdan…
Tapiesin muzeyini gəzdikcə düşünürdüm dahilik bu olsa gərək. Kişi lazımsız tullantılardan lazımsız incəsənət düzəltmiş və bununla da dünya şöhrəti qazanmışdır. Bir çoxları isə əllərinin altında olan ən lazımlı vasitələrdən istifadə edib heç öz kəndində belə tanına bilmir. Bu məqamda yadıma Лќlazımi yerdə, lazımi məkanda olmaЛќ nəzəriyyəsi düşdü.
Qeyd: Tapiesin şedevr sayılan bu cür 2000 dən çox əsəri fondda yerləşir.
