Belçikanın paytaxtı Brüsselin orijinal vizit kartlarından biri qısa, lakin çox rəngarəng və möhtəşəm olan Gül bayramıdır. Hər il 15 avqustdan etibarən Brusseldə Gül bayramı qeyd olunur. Gül bayramında güldən nəhəng xalı hazırlanır.
Əvvəlcədən dərilmiş güllər hazırlanmış eskizin üzərinə düzülərək xalının naxışlarını yaradır. Naxışın yaşıl yerləri isə qazon otu ilə örtülür. Qara yerlər ağac qabığının xırdalanmışı ilə yaranır. Güllər birbaşa asfalta döşəndiyindən bu xalının ömrü uzun olmur.
Təəssüf ki, güllər bir-neçə gün təravətini saxlaya bilir, sonra isə solur. Lakin bayramın təəsuratları insanların qəlbində uzun müddət yaşayır. Bu bayramda çəkilən fotolar bütün dünyaya yayılır. Mən də sizin üçün bir neçəsini yerləşdirmişəm.
Ən gözəl mənzərə isə eyvanlardan açılır. Gül xalısına yuxarıdan tamaşa etmək istəyənlər isə 3 evro pul verərək bu mənzərəni qaçırmırlar. Bahadır, lakin buna dəyər. Gecə isə xalı projektorlar tərəfindən işıqlandırılır. Gecə bu görüntü sehrli nağılı xatırladır.
İldə bir dəfə təşkil edilən bu bayramda hər il bir-birindən fərqli naxışda xalı təqdim edilir.
