Sistine Şapeli - Vatikan
Vatikanın ən məşhur məkanlarından biri olan Sistine Şapheli hazırda Vatikan muzeyləri sırasına daxil edilmişdir. Saray onu inşa etdirən Papa IV Sixtusun şərəfinə adlandırılıb. Divarlarında 15-ci əsrin məşhur italyan rəssamlarının əsərləri əks etdirilib. Ona ən böyük şöhrəti qazandıran əsərlər isə Mikelancelonun içlərində məşhur "Adəmin yaradılışı" və "Qiyamət günü" freskaları olan səhnələrdir. Həmin səhnələr 1984-1994 illər ərzində bərpa edilmişdir. Ortaya çıxan rənglər əvvəlkindən daha parlaq olduğu üçün qarışıqlıq yaratmış və tənqidlərə məruz qalmışdır. Halbuki, uzun illər boyu Mickelancelonun yaratdığı əsərdə tünd rənglərin əsrlər boyunca yığılan kir
təbəqələri nəticəsində olduğu ortaya çıxmışdır.
İngiltərənin ən məşhur tarixi strukturlarından biri olan Stoneheng... Onun nə məqsədlə və necə inşa edildiyi hələ də sirr olaraq qalır. Bunu bilənlər isə buranın e.ə. 2300 ildə inşa edilməyə başlandığını deyirdilər. Bu quruluşun sirri ətrafında olan məzarlarda gizlidir...
Bora Bora
Şübhəsiz ki, yuxularınızın adası "Sakit okean Kraliçası" kimi xatırlanan Bora Boradır! Lüks otellərin olduğu Bora Bora dənizə uzanan paya üzərindəki kiçik bunqalovların ilk tətbiq olunduğu yerdir. Buna görə adada təşkil edilən əyləncənin əsas hissəsi üzgüçülüklə bağlıdır.
Amazon Çayı - Cənubi Amerika
Cənubi Amerikada And dağlarından başlayıb, Atlantik Okeana tökülən, 6275 km uzunluğunda olan bu çayın hövzəsi 5.318.100 kvadrat kilometrdir. Hövzəsinin genişliyi və suyunun çoxluğu baxımından dünya çayları arasında birinci, uzunluğu baxımından isə ikinci yerdədir.
Moraine Gölü - Kanada
Moraine Gölü Kanadadakı Banff Milli Parkında yerləşir. Buzlaqlarla qidalanan göldür. Ətrafında Wenkchemna Rangenin on dağ zirvəsi vardır. Valley of the Ten peaks adlı vadidə, 1.884 m yüksəklikdə yerləşir.
Plitvice-Xorvatiya
294 kv.km-lik sahəyə yayılmış Plitvice Xorvatiyanın ən böyük 8 parkından biridir. 1949-cu ildə milli park elan edilib. 1979-cu ildə YUNESKO-nun dünyanın mədəni və təbii irs siyahısına salınmışdır. Burada 1267 növ bitki növü vardır. Park daxilində 321 növ kəpənək, 161 müxtəlif quş, 21 növ yarasa olduğu təsbit edilmişdir.
Uluru Avstraliyanın qırmızı ürəyi olan Şimal torpaqlarının cənub-qərbindədir. Tozlu yollar Alice Springs-dən Uluru ətrafına qədər çatır. Ziyarətçilərə qayaların gündüz və gecə rəng dəyişmələrini görmək fürsəti yaradır. Günəş batarkən qaya içəridən yanırmış kimi atəş qırmızısına çevrilir. Günəşin batmasıyla qara bir kölgəyə çevrilir. Şəfəqdə isə Uluru çox daha gözəl rənglərə bürünür.
Versal Sarayı
Versal Sarayı Fransada yerləşən tarixi saraydır. Sarayın ilk binasının inşasına 1661-ci ildə başlanmış, daha sonra müxtəlif zamanlarda genişləndirilmişdi. Hazırda muzey kimi istifadə edilir. Roma İmperatorluğundan sonra ilk dəfə bu sarayda böyük ölçülərdən istifadə edilmişdir.