Vanna otağında doğru planlaşdırma və dizayn ilə gözəl və geniş məkana sahib ola bilərsiniz.
Rənglərin sakitlikverici təsirindən istifadə edin. Açıq və yumşaq rənglər məkana həm genişlik bəxş edəcək, həm də daha rahatladıcı təsir hiss etdirəcəkdir. Vanna otağında güclü, gözqamaşdırıcı rənglər istifadə etməkdən çəkinin. Divarlarda ağ və ağın çalarlarından istifadə edin. Aksesuarlarda və dəsmallarda digər canlı rənglərdən istiadə edə bilərsiniz.
Doğru seçilmiş işıqlandırma ilə məkanı daha geniş göstərə bilərsiniz. Geniş tətbiq olunan spot lampalar məkanı olduğundan daha böyük göstərir. Vanna otağının ümumi işıqlandırılmasından başqa, güzgünün kənarlarına da işıq lampaları tətbiq edə bilərsiniz.
Güzgülər: Əlüzyuyanın üst tərəfinə böyük bir güzgü yerləşdirin, ya da irili-xırdalı bir neçə güzgüdən istifadə edərək qeyri-adilik hiss etdirin. Böyük güzgü məkanı və işığı əks etdirərək geniş otaq təəssuratı yaradacaqdır.
Yerin döşənmə qaydası: Yerə açıq rəngli metlaxlar döşəyin. Bununla vanna otağı daha geniş görünəcəkdir. Dəyişdirməyə imkanınız yoxdursa, açıq rəng vanna otağı xalılarından istifadə edin.
Aksesuarlar: İri həcmli aksessuarlardan istifadə edin. Bunlar vanna otağı ləvazimatlarını qoymaq üçün lazım olan müxtəlif tipli səbətlər, dəsmallar və s. ola bilər.
Vanna otağında pərdədən istifadə edirsinizsə açıq tonlara müraciət edin və işlətmədiyiniz zamanlarda pərdəni açıq saxlayın. Bundan başqa vanna otağının dekoruna uyğun şkaf seçimi də çox önəmlidir. Həmin şkaflarda əşyalarınızı lazımi səviyyədə mühafizə edə bilərsiniz.