* Əzilmiş və çirklənmiş şalvarı duman və çənli havada zivədən asdıqda o sanki ütülənir və bir çox ləkələri gedir.
* Əzilmiş qalstuku ütüləmək olmaz ,onu isti su tökülmüş bankaya dolamaq kifayət edir.
* Soyuducuda xoşagəlməz qoxu əmələ gəlibsə ora bir neçə parça ağac kömürü ya da bir neçə dilim soğan qoyun.
* Baliq iyi verən qabı soyuq su və duz ilə yuyun ki , iyi getsin.
* Bərk yanmış qazan və tavalara çoxlu duz və su tökün 5-6 saat saxlayın , sonra yuyun.
* Çox işləyən emallı qazan qaralıbsa , ağzına qədər su tökülmüş qazana 1 çay qaşığı şəkər tozu töküb qaynadın , sonra isti su ilə yuyun.
* Pambığa ətir hopdurub balaca torbada şifonerdən asdıqda bütün paltarlar ətir iyi verər.
* Maşında toxunmuş təzə xalçaları ilk 6 ayda tozsoranla təmizləmək olmaz.
* Təzə alınmış emallı qazanda ilk dəfə su , təzə alüminyum qazanda isə ilk dəfə süd qaynatmaq olmaz.
* Saralmış tül pərdələri ağartmaq üçün onları duzlu suda islağa qoyun, sonra yuyub bir neçə saat “Persol” ağardıcı tozu tökülmüş məhlulda saxlayırlar.