1. Sürətlə arıqlayıb-kökəlmək bədəninizin zəifləməyə qarşı müqavimətini artırar və gedərək arıqlamağınızı çətinləşdirər. Maddələr mübadiləsini alt-üst edər.
2. Aparılan yeni araşdırmalara görə, meyvə, tərəvəz və yaşıl bitkiləri daha çox yeyən insanlar ürək və xərçəng xəstəliklərinə daha az tutulur.
3. Hazırladığınız keksin üzərinə əridilmiş şokolad tökəcəyiniz zaman, şokolada bir az kərə yağı qatın, nəticədə keksiniz həm ləzzətli olar, həm də şokolad yumşalar.
4. Divara mismar vuracağınız zaman işarələdiyiniz yerin üzərinə çarpaz lent yapışdırıb sonra mismarı vurun. Belə etdiyiniz təqdirdə divarı çatlatmamış olacaqsınız.
5. Keks qəlibinin içinə xəmiri tökməzdən əvvəl ortasına bir qədər alüminium folqa qoyun. Beləcə, keksinizi bişirdikdən sonra qəlibdən asanca çıxara biləcəksiniz.
6. Boyat çörəklərin üzərinə su səpin və folqa kağızına büküb 5-10 dəqiqə sobada saxlayın. Beləcə, çörəkləriniz təptəzə olacaq.
7. Badımcanı bişirməzdən əvvəl duzlayın və bir müddət saxlayın. Daha sonra soyuq südlə yaxalayın. Beləcə, badımcanlarınız daha ləzzətli olacaqdır.
8. Tart xəmiri açarkən xəmirin sərtləşməməsi və şəklinin pozulmaması üçün xəmiri bir neylon paketə qoyub oxlovla yuvarlayaraq açın.
9. Yemək arasında acdığınız zaman alça qurusu yeyin. Quru alça qan şəkərinin düşməsinə mane olur. Ancaq çox irəli getməyin çünki unutmayın, bir quru alçada 8 kalori var.
10. Evdə tort bişirərkən istifadə edəcəyiniz meyvə və şirnilərin dibə çökməsini istəmirsinizsə, tortunuza bir miqdar qarğıdalı unu əlavə edin. Beləcə, meyvələr bişərkən suları sıxlaşacaq və qəlibin dibinə çökməyəcək.
11. Kartof pürenizə dəyişik bir qoxu vermək istəyirsinizsə, içinə bir qədər kokos atın. Dadının və qoxusunun necə dəyişdiyini görəcəksiniz.
12. Meyvəli keks bişirərkən meyvələrin keksin dibinə çökməməsi üçün meyvələri əvvəl una, ya da nişastaya batırıb bir müddət gözləyin, sonra keks xəmirinə qatın.
13. Nahar və ya çay saatı üçün hazırladığınız xəmir qızartmaların daha ləzzətli olmasını istəyirsinizsə, xəmirə əlavə etdiyiniz qabartma tozuna bir az da pudra şəkər qatın.
14. Pambıq geyimlərinizin daralmaması üçün ilk dəfə yuyarkən bir gecə soyuq suda saxlayın, sonra yuyun, bu zaman paltarlarınız daralmayacaq.
15. Xəmir xörəyi bişirdiyiniz zaman mətbəxinizin dəzgahı çirklənər. İşiniz bitincə dəzgahı asanca təmizləmək üçün stolunuza bir miqdar duz səpin və nəm əskiylə silin. Beləcə, dəzgahınız asanca təmizlənəcək.
16. Divar kağızlarını yeniləmək istədikdə köhnə kağızları çıxarmaq hər zaman problem olar. İlıq su dolu bir qaba bir miqdar qab yuyan maye tökün və qarışığa batırdığınız süngərlə divar kağızlarını silin, divar kağızlarınız asanca soyulacaqdır.
17. Evinizdəki bənövşələrin daha çox çiçək açmasını istəyirsinizsə, torpağına yumurta qabığı qarışdırın. Beləcə, bənövşələriniz daha sağlam və daha gözəl çiçəklər açacaq.
18. Dirsək və dabanlarınızın sərtləşməsini istəmirsinizsə, bir dilim limon ilə ovun. Beləcə, yupyumşaq olacaqlar.
19. Ətin yumşaq olması üçün qaynatdığınız suya limon suyu, ya da sirkə qatın. Ancaq qızardacaqsınızsa, bir gecə sirkəli və duru yağlı sousun içində saxlayın. Sousun içinə təzə göyərti doğrayaraq ləzzət qata bilərsiniz. Ardından əti yağsız qızardın.
20. Limondan daha çox su əldə etmək istəyirsinizsə, limonu yuyub quruladıqdan sonra çəngəllə bir dəfə dəlin, sonra suyunu sıxın.
21. Aldığınız kivilər çox sərt və kaldırsa, onları bir gecə plastik bir torbada alma və ya armudla birlikdə saxlayın.
22. Əgər dəriniz qurudursa, bir bananı əzin, içinə bir çay qaşığı bal və ya badam yağı qatıb üzünüzə sürtün. Bir neçə dəqiqə gözləyib ilıq su ilə yuyun.
23. Qızartma qoxularının bütün evə yayılmaması üçün yağın içinə bir-iki yarpaq cəfəri atın.
24. Cəfəridən daha çox faydalanmaq üçün saplarını da istifadə edin. Cəfəri saplarını atmayıb yaxşıca təmizlədikdən sonra şorbalarınızda istifadə edə bilərsiniz.
25. Az miqdarda yağ, süd, su və s. isitməli olduğunuzda qazanınızı kirlətməyə ehtiyac yoxdur. Bir çömçə köməyi ilə bu işləri dərhal edə bilərsiniz.
26. Quru lobya qaynatdığınız suyu tökməyin, soyuduqdan sonra bitkilərinizi sulayın. Bu, bitkilər üçün çox faydalıdır.
27. Toyuğun üzərinə limon suyu sürtüb duz səpsəniz, toyuğun nar kimi qızardığını görə bilərsiniz.
28. Ən yaxşı yemək dibi qalın və düz tavada bişir.
29. Teflon tavalardakı ləkələri çıxarmaq üçün bir stəkan suya 2 xörək qaşığı çay sodası və yarım stəkan sirkə töküb qarışdırın. Tavanın içində bu suyu 10 dəqiqə qaynadın.
30. Yeməyə çox duz atmısınızsa, qazanın içinə bir neçə parça çiy kartof qabığı atın, artıq duzu özünə necə çəkdiyini görəcəksiniz.
