Evimizin təmizliyi biz qadınlar üçün çox vacibdir. Bəzənsə buna vaxt çatdırmamaqdan və ya hansısa ləkəyə saatlarla vaxt sərf etməkdən şikayətlənirik. İndi sizlərə mətbəxinizdə istifadə edə biləcəyiniz asan üsüllar təqdim edəcəyəm. Onu da qeyd edim ki, mətbəx əşyalarının təmizliyində duz və sirkənin rolu əvəzsizdir.
Mətbəxinizin təravətli olmasını istəyirsinizsə, folqa kağızının üzərinə bir az darçın tökərək isidilmiş sobaya qoyun və sobanın ağzını açıq saxlayın.
Soyuducunuzun təravətli olmasının istəyirsizsə, onda alt gözlərinə bir neçə dilim limon qoyun.
Çəngəl-bıçaqlar:
Qabyuyan maşınınız çəngəl-bıçağınızı qaraldırsa, ayda bir dəfə maşının yuyucu gözünə paltarlar üçün olan yuyucu tozu tökün. Bu, çəngəl-bıçaqların qaralmasının qarşısını alacaq və onları parıldadacaq.
Taxta qaşıqlar:
Taxta qaşıqlar istifadə olunduqca rəngini dəyişirək qəhvəyi rəng alır. Bunun qarşısını almaq üçün taxta qaşıqları bol suda yaxşıca isladaraq yusaq, daha yaxsı nəticə əldə edə bilərik.
Alüminium qablar:
Alüminium qabların qaralmasının qarşısını almaq üçün onları su və çoxlu sirkə ilə dolu qazanda qaynadın. Hamısı par-par yanacaq.
Ərp bağlamış çaydanlar:
Çaydanın içinə soyduğunuz kartof qabıqlarını və çoxlu su töküb uzun müddət qaynadın. Necə təmizləndiyinin şahidi olacaqsınız.
Boşqablarınızdakı kiçik çatlar:
Əgər boşqabda olan kiçik çatlara görə dəstinizin pozulmağını istəmirsinizsə, çatlamış boşqabı süd ilə dolu bir qazana qoyub zəif odda 45 dəqiqə qaynadın. Çatlardan əsər-əlamət qalmayacaq. Bu üsülü bütün qablara tətbiq edə bilərsiz.
Ütünüz ləkə salırsa:
Ütü paltar ütülədiyiniz vaxt yapışır, və ya ləkə salırsa, altını duz və sirkəylə silin. Bununla da paltarlarınızı qoruya bilərsiz. Ancaq bu təmizləməni ütü soyuq halda edin və bir müddətt ütünü işlətməyin.