Çətin əldə edirik, düşünmədən xərcləyirik.
Həyat bahalı, ərzağa, benzinə, avtomobilə, elektrikə, suya davamlı olaraq hər ay pul xərcləyirik. Belə bir şəraitdə ay sonunu gətirmək belə çətin, qənaət etmək, pul yığmaq qeyri-mümkündü. Amma buna baxmayaraq qazancın bir qismini yığmaq lazımdır, xüsusilə də gələcəyimizi düşünərək. Maliyyə məsləhətçilərinə bu şərtlərdə necə qənaət etmək lazım olduğu soruşuldu və məlumatlar alındı.
Məsələn, şəhərdə bir ev almaq istəyən birinin təxminən 45 min manatı olması lazımdır. Ayda 300 manat qazanan bir işçinin heç bir xərc etməsə, 15 ildə ev sahibi ola bilər. Qazancın hamısını ev almaq üçün kənara ayırsa, əlavə heç bir xərc etməməli və yeməməlidir. Bunu etmək də qeyri mümkün deyil. Əvvəlcə gəlir və xərcin hesabının yaxşı bilinməsi lazımdır. Evə girən pul nə qədərdi, hansı işlərə nə qədər pul xərclənir. Bunu da bir neçə ay və ya il ərzində deyil, davamlı etmək lazımdır.
Pul yığmamağın ən böyük səbəblərindən biri düşünmədən xərcləmək, fərqində olmadan artıq xərclər etmək, büdcə, yəni gəlir-çıxar tarazlığını saxlamamaqdı.
Bunun qarşısını almaq üçün alınacaq alış-verişin siyahısını tutmaöa ehtiyac var, yoxsa istək çoxaldıqda xərcin qarşısını almaq olmur. Əgər ehtiyac varsa və məcburiyyət varsa, bu xərc büdcə daxilində aparılmalıdır. Əgər xərc xüsusi istəyə görədirsə, bunun üçün yetərli bir büdcənin olub olmadığını soruşmaq lazımdır. Əmanəti qaldırmağın iki yolu var. "Bunlar gəliri artırmaq və xərcləri azaltmaqdır". Qənaət etmək sıx bir intizam tələb edir. İnsanlar adətən aylıq gəlirlərindən artan məbləği qənaətə istiqamətləndirirlər. Doğru olan öncə qənaət etmək, sonra xərcləməkdir.
Əmanət tövsiyələri
Maliyyə planlarınızı uzunmüddətli və real hədəflərlə edin.
Ehtiyacınız olan bütün kommunal xərcləri saxlayın və bir miqdar ehtiyat pulunuz mütləq olsun.
Pulunuzu yığmaq üçün külli miqdarda pulunuz olmasını gözləməyin. Dərhal başlayın.
Ehtiyaclarınızı qarşılamağa mümkünsə 3-6 ay yetəcək miqdarda nağd pulunuz olsun.
Yaxşı bir büdcə üçün gəlir və xərclərinizi yazın.
Büdcə və hesablarınızı illik edin.
Büdcənizə ayıracağınız xərclər əsas olaraq bunlar ola bilər: Kredit ödəmələri varsa, icarə (ən çox aylıq gəliriniz 1/4i qədər olsun), elektrik, su, qaz, telefon, internet haqqı, mətbəx xərcləri, əyləncə, nəqliyyat / benzin, geyim, fərdi baxım, istirahət, təhsil xərcləri, illik xərclər (MTV, əmlak vergisi, avtomobil sığortası, hədiyyələr), təcrübələr.
Hər bir zaman üçün müəyyən sərhəddiniz olsun və büdcə təqib etməyi vərdiş halına gətirin. Beləliklə, 1 ay sonra keçən ayı nəzərdən keçirərkən nə qədər və niyə qənaət etdiyinizi qiymətləndirin.
Avtomobil sığortası, əmlak vergisi, avadanlıq təminatı kimi az səfərlik, amma yüksək məbləğli ödənişlər üçün əvvəlcədən plan cızın. Gələcək ilin ödəməsi üçün bu ildən hər ay bir kənara pul atın və ayrıca xərclədiklərinizi nəzərdə tutun. Qaz üçün yaz aylarında müəyyən bir miqdarda pul ayırın və qış gələndə yüklü ödəmə etməkdən xilas olarsınız. Büdcə, təhsil, ev almaq və iş qurmaq üçün görəcəyiniz əmanətlər də yer alsın. Büdcəyə uşaqlarınızı da daxil edin. Büdcənizə sadiq qalın,Ancaq meydana gələn dəyişikliklər vəziyyətində də lazım olan elastikliyi göstərin. Hər bir iş üçün kreditə getməyin və "Kredit olmasaydı bu mübadilə ilə bacara bilərdimmi? " sualını düşünün. Əgər cavab "bəli" isə, əslində kreditən istifadəyə o qədər də ehtiyac yoxdur deməkdir.
Borcunuz çoxsa, bunları azaltmaq və sonra tamamilə yox etmək üçün bir siyahı tutun. Hər borcunuzu, miqdarını və müddətini yazın. Siyahının ən üstün, ən yüksək miqdarını deyil, ən yüksək faizli borclarınızı yazın.
- ŞƏRHLƏR