Qadın.Netin əziz istifadəçiləri, bu xəbəri hazırlamaq fikiri atamla yol gedərkən ağlıma gəldi. Atam avtomobili sürətli sürürdü. Düşündüm ki, prezident olsaydım, kişilərə avtomobil sürməyi qadağan edərdim. Beləcə, kişiləri əsəbiləşdirmiş olardım. Bu niyyətlə sizlərin də fikirlərini öyrənmək istədim, bəziləriniz işi ciddiyə alıb ciddi qərarlar yazmışdınız (onları yazmıram, ümid edirəm ki, inciməyəcəksiniz. Bu bölümü oxuyub yenidən iştirak etmək istəsəniz, sevinərəm), bəziləriniz isə mövzuya uyğun yazmışdınız. Bu da istifadəçilərimizin fikirləri. Oxuyub gülümsəmənizə səbəb olacağına ümid edirəm.
Dəniz84
Mən prezident olsaydım, ölkədə dadlı yeməklərin bişirilməsinə qadağa qoyardım. Hər kəsi pəhriz saxlamağa məcbur edərdim. Ta ki, mən pəhrizimi bitirənə qədər. Daha sonra ölkəmdə dünyaya gələn hər qız uşağına mənim adımı verilməsini əmr edərdim. Beləliklə, hər adın qabağında məcburən nömrəsindən istifadə edərdilər.
Narın
Xəbərin adı diqqətimi çox çəkdi və üzümdə təbəssüm yaratdı. Bu heç vaxt real olmasa da, xəyalını qurmaq belə əyləncəli oldu. "Əgər prezident olsaydım" sözünü oxuyanda ilk ağlıma gələn şey o oldu ki, əmr edərdim hər kəs evində pişik saxlasın, kimliyindən asılı olmayaraq. ( Bəlkə o zaman anam da mənə icazə verərdi pişik saxlamağı)
Agat
Demək belə, xəbər çox gözəl, əyləncəli bir xəbərdir. Mən prezident olsaydım, təbii ki, sadə bir prezident olardım. Təmtərağı sevmirəm. Əvvəlcə məktəblərə aid qanun qoyardım. Belə ki, dərsə gedən hər uşaq dərsə getdiyi üçün dərsdən çıxarkən pulsuz dondurma və ya şokolad əldə etmiş olardı. Təbii ki, hər şeyin öz dəyərində. Bundan sonra böyüklərlə kiçiklərin yerini dəyişərdim. Qoy, böyüklər uşaqlıq eləsin, uşaqlar isə getsin işləsin. Uşaqlar bizə yemək bişirsinlər, ev yığışdırsınlar, qeydimizə qalsınlar. Biz isə yeyək, içək, kef edək. Digər bir əmrim isə o olardı ki, Qadın.Netdən başqa bütün saytlar bağlansın.
Şəri Babayeva
Mən prezident olsaydım, ilk növbədə ölkədə hind filmlərinə baxmağı və hind rəqslərini öyrənməyi qanuni edərdim. Bununla da səni cəzalandırmış olardım. Hind rəqslərini öyrənməyə məcbur edərdim, heç gözün götürmür də ona görə cəzalandırardım səni. Fürsət düşüb əlimə niyə istifadə eləməyim. Sonra səni filmə çəkdirərdim, orada da oxuyardın, oynayardın, bu da ikinci cəzan. Yaxşısı budur, mən prezident olmayım, yoxsa sənin işin çətin olacaq.
Gülşən29
Mən prezident olsam, əvvəlcə "Uraa" deyib qışqıraram. Daha sonra göstəriş verərəm ki, bütün iş yerlərində iş saatları səhər 8-9-10-da deyil, saat 1-də başlasın. Şənbə və bazar iş günləri, qalan beş gün istirahət günü kimi qeyd edilsin. Bütün mağaza və əczaxanalarda pamperslər pulsuz verilsin. Bütün ölkədə pəhriz saxlamağı qadağan edərdim. Hər kəs dadlı yeməklər yesinlər və hamı toppuş olsun.
AYSUN MEMMEDOVA
Mən prezident olsaydım, bu uşaq arabası və pampersi keşf edənlərə Nobel, Oskar, Kaan, Xalq artisti, Əməkdar artist, bir sözlə, nə mükafat varsa, ancaq onlara verərdim. Biz anaları düşünüblər, mən də onları qiymətləndirirəm bütün analar adından. Mən prezident olsaydım, uşaq kanallarına son qoydurardım, çünki televizora həsrət qalmışıq. Qadın.Net userlərinə çox gözəl hədiyyə verərdim. Ta sözü atdım da ortaya, seçim sizə qalıb.
Aytac
Əgər mən prezident olsaydım, həmişə istirahət, əyləncə mərkəzləri və mağazalardakı malların pulsuz olmasına göstəriş verərdim. Həm də özümə köməkçi götürərdim. Mən istirahət edəndə o işləsin deyə.
Selvi
Maraqlı mövzudur. Öncə onu deyim ki, insanı düşündürən bir sualdır. Bu cür mövzuları sevirəm. Mənim də fikrimi nəzərə aldığınıza görə sizə təşəkkür edirəm. Çox düşündüm, sonda bu fikrimin üstündə dayandım. Mən əgər prezident olsaydım, evdə qalmış qızları ərə verərdim. Toylarında da iştrak edərdim. Təsəvvür edin bu səhnəni...
Hacət-i Vuslat
Yumor bölməsinə aid xəbərdə iştirak etmək təklifi gələndə, düzü, əvvəlcə imtina edəcəyimi düşündüm, "Siz prezident olsaydınız, nə edərdiniz?" - belə bir mövzunun yumoristik tərəfini görmək mənim üçün çətindir. Amma sonra o gülməli məqamı gördüm. Bu suala cavabımdır - " Mən prezident olmaq istəməzdim." - məncə, bu gülməli gələ bilər çoxuna. Çünki "kim istəməz ki, ölkənin ən yüksək vəzifəsində olsun" deyə bir düşüncə var. Bundan imtina edən şəxsə hər halda gülərlər. Amma vəzifə yüksəldikcə məsuliyyət də çoxalır. 2-3 uşaqdan ibarət ailənin məsuliyyətini daşımaqda bəzən çətinlik çəkirik. İndi, görün, milyonlarla vətəndaşın məsuliyyətini daşımaq necə çətindir. Məsuliyyətdən, çətinlikdən qaçmıram, yox. Amma, həqiqətən, çox çətindir, insanların haqqını qorumaq, kimin haqlı olduğunu bilmək, qul haqqına girməmək çox vaxt həddən artıq ağır olur. Allah (c.c) buyurur ki: " İbadət bəndəmlə Mənim aramdadır, bağışlaya bilərəm. Amma qul haqqı bəndələrin arasındadır, bağışlanma yoxdur." Ölkənin ən kasıb insanı və ya prezidenti olmaq seçimi verilsəydi - "birinci" olardım, 100%!
Ro - Xe -Sa
Öncə onu qərar verərdim ki, kişilər avtomobil sürməsin, bu qadağandır. Nəinki avtomobil, nəqliyyat sözü keçən hər vasitə qadağandır: at, uzunqulaq istisnadı. 8 Martda kişilərin telefon istifadə etməsinə qadağa qoyardım, istifadə edənləri də ən ağır cəza ilə cəzalandırardım. 8 Martda yoldaşına hədiyyə ilə yanaşı gül almalarını da qərara alardım, almayanları isə bir gül buketinin qiyməti qədər cərimələndirərdim. Müəllimlər günü şagirdlərin müəllimlərə dərs verməyini əmr edərdim.
Xəyalə Murad
Kim istəməz ki, prezident olsun. Əgər mən prezident olsam, göstərişimin sayı-hesabı bitməyəcək. Yalnız oxatan bürcündən olan xanımları öz əhatəmə toplayacağam. Daha sonra göstəriş verəcəyəm ki, qış fəslində bütün maşınlar dayanacaqlara qoyulsun. Şəhərdə bir ədəd nəqliyyat vasitəsi olsun, o da mənə məxsus olan. İnsanlar tamamilə ağ rəngdə xəz geyinsinlər. Yaz fəslində hər kəs yaşıl rəngdə geyinməlidir. Yayda sarı, payızda isə şabalıdı rəngdə geyimlərdə olmalıdırlar. Bir tək mən istədiyim rəngdə geyinə bilərəm. Ölkə əhalisi üçün cəmi 4 rəng yetərli və hətta artıqdır. Bütün geyimlərin dizaynı yalnız mənə aid olacaq. Heç qarışmayacağım sahə isə təhsil olacaq. Təhsildə valideynlər söz sahibi olacaq, qayda-qanunları yeni qərarları özləri verəcəklər. Digər ölkə prezidentləri ilə nəinki görüşlər və sazişlər imzalayacam, hətta yarışma belə keçirəcəyəm. Dünya üzrə prezidentlər olimpiyadası keçirilməsinin əmrini verəcəyəm. İki ildən bir olimpiyada təkrar olmalıdır. Olimpiyada da yarışlar idmanın ən çətin növləri olan 7 daş, 5 daş və ipdən atlama üzrə olacaq. Təbii ki, bu yarışda da mən qalib gəlməliyəm. Xalqı düşünən yox, düşündürən prezident olacağam. Bütün dünya prezidentlərinə örnək olsun deyə ildə bir dəfə deyil, ilboyu istirahət edəcəyəm. Ölkənin tək modelyeri, tək yazarı, tək söz sahibi özüm olacağam. Platformam isə: “Mən yalnız Mənim üçün” olacaq.
XƏBƏR LENTİ
8 minə yaxın şəxsin pensiyası artırılıb
Bu il "qovrulacağıq"
Ən kasıb ölkələr açıqlandı
Ziyafət geyimləri
Alimlərdən QORXUNC XƏBƏR
Quzu budu (foto resept)
Qozlu, cemli peçenye (foto-resept)
Ailə fotosu qadını 38 kiloqram arıqlamağa sövq etdi
Hər qadının bilməsi vacib olan 20 məsləhət
Efirdə Ərdoğanın falına baxdı - Ağlasığmaz proqnozlar verdi (VİDEO)
Vatikan ayağa qalxdı-SİRRlər aşkar olur
Real olmayan gözəllər
"Spartak" tortu (foto resept)
Çağatay Ulusoy koronavirusdan belə qorunur - FOTO
Yumşaq və rahat divan dəstləri
Naxçıvanda qaya qopdu: görün nə tapıldı
Cəbhə xəttində olan Zakir Həsənov tapşırıqlar verdi
TƏBİB: “Qoruyucu maskalar həyat tərzimizə çevrilməlidir” - VİDEO
12 yaşlı oğlan tələbə oldu-FOTO
Ekler peçenyesi
2018 Yaz gəlinlik kolleksiyası
Qəzzada atəşkəs pozuldu
Koronavirus pandemiyasının yeni fəsadları üzə çıxdı
Son 45 ildə İLK DƏFƏ - İraqlı qız dünya gözəllik yarışmasında - FOTO
Karantin şəraitində toy - VİDEO
Günün qoroskopu: fəaliyyətinizi daha sərbəst, azad edin
HAVA necə olacaq?- 22 APREL
Parlamentə ilk dəfə qadın sədr seçildi
Günün qoroskopu: stabillikdən həzz alın
Çəkdiyi Selfie ilə həbsdən xilas oldu-FOTO
Bergüzarla Halitdən 3,5 milyonluq reklam
Azərbaycanda vahid ödəniş portalına qoşulmuş dövlət qurumlarının sayı artıb
Nikolas Keyc 4 günlük xanımından boşana bilmir-SƏBƏB
Dərslərin başlaması ilə bağlı ŞAD XƏBƏR - İlk olaraq bu siniflər
Azərbaycanda bu körpünü görən hər kəs TƏƏCCÜBLƏNİR - FOTO
Həyatın hər dəqiqəsinin qədrini bilməliyik
Milyon dollarlıq oyuncaqlar-FOTO
Bədəndən öncə ruha toxun
İşdən qovulmaq istəmirsiz? Onda oxuyun
Əli Həsənov ipotekadan danışdı
Əsl yeni il lətifələri
Azərbaycanlılar ermənilərlə sülh bağladılar
Gəlin buketləri
Soğan kababı (foto resept)
İmmunitet sistemini gücləndirmək üçün 3 qayda
Ordumuz düşməni öz silahı ilə vuracaq
Qocalmağa səbəb olan qidalar
10 ən bahalı əntiq avtomobil
"İrşad Telekom"un kampaniyası qanunsuz sayıldı
DiKaprio özündən 21 yaş kiçik sevgilisi ilə tətildə - FOTO
- ŞƏRHLƏR