Keçən əsrdə Britami monastırında monaxlar ev heyvanları üçün musiqi parçalarından istifadə edirdilər. Onlar müşahidə etdilər ki, Motsartın serenadalarını dinləyəndən sonra inəklərin südü 2 dəfə artdı. Yaponlar araşdırdılar ki, çörək bişirmə sexlərində Motsart musiqisi ifa olunanda xəmir 10 dəfə tez hazır vəziyyətə gəlir. Ən yaxşı düyü içkisi Motsart musiqisinə "qulaq asan" dənlərdən alınır. Kanadada iri yol ayrıcılarında və prospektlərdə Motsart musiqisi səsləndirilir və bu, qəzaların sayının dəfələrlə azalması üçün edilir.
Hormonik musiqi - bu ən gözəl psixoterapiyadır. İnsan yatan zaman lirik və ahəngli musiqi dinləyərsə, o bütün gecə rahat yatar və gözəl yuxular görər. İş görüşmələri zamanı musiqi gərginliyin azanmasına səbəb olur. Qadın uşaq əmizdirən zaman sevimli musiqilərinə qulaq asarsa, onun südü artar. Rahatlanmaq və keyləşməni uzatmaq məqsədi ilə stomotoloji kabinetlərdə musiqidən istifadə olunur. Bu məqsəd üçün istifadə olunan musiqilər xoş, həzin və sakitləşdirici olmalıdır.
Həkim resep yazır: Mosart musiqisi
Bu fantastika deyil, həqiqətdir. Bir çox inkişaf etmiş ölkələrdə, o cümlədən Amerika və Çində bir çox həkim belə resep yazır.
Çində və Yaponiyada "Qidalanma", "Yuxusuzluq", "Miqren" və s. adlı kifayət qədər musiqi albomları satışda var. Bundan əlavə “Qaraciyər”, “Ağciyər”, “Ürək” adlı albomların satışı da mövcuddur.
Çinlilər belə musiqiləri həblər və ya bitki çayları kimi istifadə edirlər. Amerikan dietoloq və narkoloqları satışa arıqlamaq, tütün və alkoqoldan azad olmaq üçün musiqi diskləri çıxardıblar.
ABŞ-ın Arizona ştatında Musiqi Terapiyası İnstitutunda başında keçəlləşmə gedən insanları təcrübədən keçirirlər.
Hindisatanda xalq mahnılarından xəstəxanalarda profilaktika məqsədi ilə ifa edirlər. Mədrəsələrində isə xüsusi qrup açılıb ki, burada da musiqi terapevtləri təhsil alır. Bir neçə psixoloji xəstəliklər və hipertoniya əleyhinə musiqilər artıq məlumdur. Bunların üzərində xalq təbabəti ciddi işləyir.
Musiqinin xəstə tərəfindən ifası da gözəl nəticələr verir. Belə ki, xəstələr mahnını özü ifa edərək xoş emosiyalar yaşayır və yaxşı şeyləri xatırlayır.
Musiqi ilə müalicə necə aparılır?
Effektli musiqi terapiyası zamanı musiqinin dinlənilməsi xüsusi qaydalar əsasında insanın fiziologiyası bütünlüklə nəzərə alınaraq aparılır. Onlardan ən vacibliləri:
- İlk olaraq ifaçı və ifa haqqında məlumat əldə edin,
- Rahatlanın,
- Düzgün mövqe seçin,
- Musiqinin gücünün və ucalığını ehtiyatla tənzimləmək lazımdır. Musiqinin hündür səsi sinir sisteminə yorucu təsir edin. Musiqi terapiyası qısa olmalıdır ki, bu, beynə yorucu təsir etməsin,
- Müalicə üçün seçilmiş musiqini dinlədikdən sonra bir müddət istirahət edin,
- Məlumdur ki, yaddaş yuxu vaxtı da aktiv olur. Ona görə də musiqi terapiyasını yuxu vaxtı da aparmaq olar. Musiqinin terapevtik məqsədlə yuxu zamanı istifadəsi uşaqlara, psixiatriyada isə psixi narahat və həyəcanlı şəxslərə məsləhət görülür.
- Musiqi seçimində ciddi fikirləşmək lazımdır. Bu iş göründüyündən də xeyli mürəkkəb prosesdir.
Musiqili resept
Alimlərin apardığı tədqiqat və eksprimentlərlə belə qənaətə gəlinib ki, bəzi musiqilər güclü terapevtik təsirə malikdir.
Spirtli içki aludəçiləri, siqaret çəkənlər, özünə qapananlar Şubert "Ave Mariya", Bethoven "Ay sonatası", Sen-Sans "Qu quşu", Siviridov "Çovğun" əsərləri ilə müalicə olunurlar.
Nevrozlar və tez qıcıqlananlara Çaykovski, Paxmutov, Tariverdiyevin canlandırıcı musiqiləri yaxşı təsir göstərir. Stress atmaq, diqqəti cəmləmək üçün Şubert, Şuman, Çaykovski, Listanın romantik musiqiləri faydalıdır. Əhvalı yüksəltmək, depressiyadan xilas olmaq üçün caz, blyuz, soul, kalipso və rekke kimi öz başlanğıcını Afrika musiqilərindən götürən melodiyalardan istifadə olunur. Baş ağrısını Oqinskinin məşhur "Polonez"-i götürür. Qriqin "Per Qyunt" suitası yuxunu və beynin işini normallaşdırır. Uşaqlarda zehni inkişafa Motsart musiqiləri güclü təsir göstərir.
Təbiətin ironiyası
Bir çox alimlər lazer vastəsi ilə musiqi enerjisini yazaraq hüceyrələrə köçürmək və xəstəlikləri bu şəkildə müalicə etmək istəyirlər. Ona görə ki, musiqi bir çox xəstəlikləri müalicə edir. Bu çoxdan məlum olan bir gerçəklik olsa da, heç kəs uşaq ağlamağına qulaq asaraq xəstəliyini müalicə etmək haqqında düşünməyib. Çox zaman uşaqları videoya sakit vəziyyətdə lentə alırlar. Nadir hallarda ağlayan uşaq kadrlarına baxılır. Amma çox nahaq! Uşaq ağlamağı ilə müalicənin mahiyyəti ondan ibarətdir ki, uşağın doğuşu ilə onun ağlamağı anaya sanki siqnal ötürür. Bu səs anada analıq hisslərini formalaşdırır və uşağı və özünü qoruma instinkti yaradır. Uşaq qışqırığı insan psixikasına və yaddaşına təsir göstərən təkrarolunmaz koddur və bu, güclü sağaldıcı effekt verir. Yatan zaman uşaq qışqırığı olan lent yazısını dinləmək yaddaşı yaxşılaşdırır.
Bu üsul vasitəsi ilə şiş xəstəlikləri xaric digər bir çox xəstəlikləri, ən əsası da psixoloji xəstəlikəri müalicə edirlər. Sürü halında yaşayan bir çox heyvan məhz ağlamağı (qışqırığı) sayəsində digər balalardan özününkünü tanıya bilirlər. Xəstəlikdən əldən düşmüş adam, qocalığın zəifliyini hiss edənlər uşaq səsi, ağlamağı olan lent yazısını dinləyərsə, bu, onlarda yaşamaq həvəsi, yenidən ayağa durmaq eşqi yaradacaq və tədricən bu hiss bütün orqanizmi əhatə edəcək və sanki daxildən yenidən cavanlıq gücü canlanacaq. Uşağın ağlama səsini o doğulduğu gündən kaprizləri üçün ağladığı müddətədək yazmaq lazımdır. Doğma və qohum uşağın ağlamaq səsləri maksimal effekt verir. Yad uşaq səsi də müsbət təsirə malikdir.