Dezmond Doss kimdir?
Dezmond Tomas Doss 1919-cu ildə Lychnburg, Virginiada dünyaya gəlmişdir. Atası Villiam Tomas Doss xarrat idi. Anasının adı isə Berta Oliver Doss idi. Dezmond şiddətli dərəcədə İncilə inanırdı və onun bütün əmrlərinə tabe olurdu. Xüsusilə " Sən öldürmə" sözünə tabe olmağa çalışırdı. Həmçinin şənbə günləri bütün işlərdən azad olub, kilsəyə getməyi özünə borc bilirdi. Bütün dinə bağlılığı ilə 1942-ci ilin 1 aprelində Amerika Ordusana qoşuldu.
Silah daşımağı niyə rədd etdi?
Dossun silahı İncil və Allaha olan inamı idi. Onun silah daşımaqdan imtina etməsi, dostlarının və əsgər yoldaşlarının ondan uzaqlaşmasına səbəb oldu.
Dezmond Quam və Leyte adalarındakı döyüşdə iştirak edir. Mərmilər onun yanında partlayır, güllələr havada uçuşur. Dezmond böyük cəsarətlə dostlarına kömək edir, yaralananları kürəyində etibarlı yerə daşıyır. Cəsurluğuna görə 2 bürünc medalla təltif olunur.
Sonra Okinavaya göndərilir. 1945-ci ilin mayında, yaponlarla amerikalılar arasında qızğın döyüş gedir. Maedadakı sərt enişli təpəni əl keçirmək uğrunda qızğın döyüşlər gedirdi. Amerika əsgərləri yaralı halda yerdə yatırdılar. Heç bir kömək göndərmək mümkün olmurdu. Doss yoldaşlarını tək qoymayaraq, onları tək-tək təpənin başına gətirib iplə aşağı endirirdi. Şəxsi nitqində qeyd edir ki; "hər bir nəfəri xilas edəndən sonra Allahım birini daha.. deyə yalvarırdım. Sonra yenidən birini daha xilas etmək üçün güc ver deyirdim." O bu üsulla 1945-ci ilin 5 mayında 75 nəfərin həyatını xilas etdi.
Mükafatları:
Amerika prezidenti Harry. S. Truman tərəfindən medalla təltif olundu. İkinci Dünya Müharibəsində forma geyinən 16 milyondan insandan cəmi 431 nəfər bu mükafatla təltif olunmuşdur.
Desmond Doss 2006-cı ilin 23 martında 87 yaşında vəfat etdi.
Onun qəhrəmanlığı ilə bağlı Mel Gibsonun rejisorluq etdiyi "Hacksaw Ridge" filmi çəkilmişdir. Filmdə onun cəsurluğunun daha aydın təsvirini görə bilərsiniz.
Ustaclı
XƏBƏR LENTİ
- ŞƏRHLƏR