Əziz xanımlar, yeni il qabağı körpələrinizlə maraqlı və əyləncəli vaxt keçirtmək istəyirsinizsə, gəlin, birlikdə qar dənəciyi düzəltməyi öyrənək. Qar dənəciklərini düzətdikdən sonra uşaq otağının pəncərəsini bəzəyərək onları sevindirmiş olarsınız. Mən uşaqlarımla birlikdə qar dənəcikləri düzəldib onların otağının pəncərəsini bəzəmişəm, çox gözəl görünür. Sizlərə də məsləhət görərdim ki, qar dənəciyi düzəldəsiniz.
Lazım olan ləvazimatlar:
A4 kağızı
Qayçı
Skoç
Sadə qələm
Hazırlanması:
Öncə sxemsə göründüyü kimi kağızı qatlayırıq.
Daha sonra kağızın artıq qalan hissəsini kəsib atırıq.
Qatladığımız kağızın üzərinə sadə qələmlə bəzəklər çəkib onları kəsirik.
Şəkillərdə gördüyünüz formalar alınır.
Hər bir naxışın öz gözəlliyi var.
Bunları edərkən çox əylənəcəksiniz.
Rəngli kağızlardan istifadə edərək daha gözəl formalar əldə edə bilərsiniz.
Əgər uşağınız qayçı işlədəcək qədər böyükdürsə, naxışı o da kəsə bilər.
Əsas odur ki, kəsərkən naxışın özü zədələnməsin.
Bu da bizim hazırladığımız qar dənəcikləri. Oğlumun otağının pəncərəsini bəzəmişik. Çöldən baxanda çox gözəl görünür.
