Kim şəkil çəkməyi sevir? Şəkildə gördüyünüz bu 10 yaşlı oğlan 20 dəqiqədə 2,2 mln. dollar qazandı. Necə? Bacarıq və əməyinin hesabına.
İbtidai rəssamlıq məktəbinin şagirdinin çəkdiyi rəsmlərin hamısı auksionda 20 dəqiqə ərzində 2,2 mln dollara satılıb.
Onun adı Kiron Uillyamsondur, lakin onu "mini Mone" kimi tanıyırlar. Ailəvi bayram tədbirində çəkdiyi rəsm ona dünya şöhrəti qazandırıb. 23 rəsmin hər biri 360.000 dollara auksionda 20 dəqiqədə satıldıqdan sonra, o, 2,2 mln dollar qazanıb.
Onun çəkdiyi rəsmlərin qiyməti 3,5 min dollardan 30 min dollara qədər dəyişir. 2009-cu ildə 19 rəsmi 36.000 dollara satılmışdı. Həmin pulla o, valideynləri üçün ev alır və başqa rəssamların əsərlərinə investisiya qoymağa başlayır. Onun çəkdiyi rəsmləri fenomenal hesab edirlər. O, yalnız özü istədiyi vaxt çəkir. Gələn ildən o, artıq məktəbə getməyəcək, evdə təhsil alacaq ki, bütün vaxtını rəssamlığa ayıra bilsin.
Kiron 5 yaşından şəkil çəkməyə başlayıb. Adətən yaşadığı yerin landşaftını çəkməyi xoşlayır.
Onu da demək lazımdır ki, onun rəsmlərini bəyənənlər arasında Avropa, ABŞ, Yaponiya, Kanada rəsm sevənləri də var. Əldə olunan bütün gəlirlər onun şəxsi şirkəti olan "Kieron Williamson Limited"ə göndərilir. Şirkətə onun valideynləri rəhbərlik edir.