Xanımlar, bu dəfə sizlərə sadə qazantutan hazırlamaq qaydasını göstərəcəyəm. Maraqlananlar öyrənə bilərlər.
Bizə lazım olacaq:
Qayçı
Tikiş maşını
Üzlük - gec yanan parça
Altlıq - qalın parça
Bəzək üçün lent
Əvvəlcə uzunluğu 30 sm, eni isə 15 sm olan iki parça kəsirik. Həmin ölçüdə içinə qoymaq üçün iki qalın parça kəsirik və 60 sm uzunluğu, eni isə 10 sm olan qulp kəsirik. Əgər qıraqlarına bəzək vermək istəsəniz, kant götürməlisiniz.
Həmin üstlük olan parçanı tərs üzündən iki qatlayıb iki tərəfini tikirik. Qalın parçanı iki qatlayıb onun içinə yerləşdiririk, ağzını və 4 tərəfini tikirik.
Sonra götürdüyümüz lentlə zövqünüzə uyğun kənarlarını bəzəyirik.
Saplıq götürdüyümüz parçanı tikirik və tutacağımızın künc hissəsində alt tərəfindən bərkidərək tikirik.
Bəzək verdiyimiz parça iplənirsə, iplərini yandırmaq lazımdır.
Hazırdır: