Əziz xanımlar, satışda qız uşaqları üçün çoxsaylı və fərqli saç aksessuarları vardır. Amma bunları evdə hazırlasaq, oxşarı olmayacaq və daha sevimli olacaq. Həm də hansı materiallardan hazırlandığını bildiyimiz üçün daha rahat olarıq.
Lazım olan ləvazimatlar:
Enli, istənilən rəngdə atlas lent
Rezin
Qayçı
Tikiş maşını
Muncuqlar
Hazırlanması:
Əvvəlcə 60 sm uzunluqda dörd lent, ondan əlavə 16 sm uzunluqda iki lent, iki 30 sm-lik rezin kəsirik.
Sonra iki uzun lentin arasına rezini qoyub dartaraq maşınla rezinin üstündən tikirik.
Sonra hər iki tərəfini maşınlayırıq ki, rezin görünməsin.
Ən sonda belə formada rezin alınmalıdır.
Sonra onu kənara qoyub qısa lentlərin hər iki tərəfini tən ortaya gətirib, qıraqlarını maşınlayırıq.
Sonra tən ortasında boş dəlikdən sintefon doldururuq.
Tən ortadan maşınla tikirik ki, içindəkilər kənara çıxmasın.
Yenidən tən ortadan muncuqlarla büzərək tikirik.
Birinci tikdiyimiz rezinin baş hissəsini bitişdirib tikirik və iplərini yandırırıq.
Alınan bantları bu rezinin orta hissəsindən tikib birləşdiririk.
Həm dartaraq uşaqlar üçün saç aksessuarı kimi,
həm də saçlarını iki hissəyə ayırmaqla yığaraq çüt istifadə edə bilərsiniz.
