Bəzən əlimizin altında yararsız çox əşyalar olur. Onları atmayıb yararlı bir əşya kimi dəyərləndirək. Mətbəximizdə, ya da həyət evlərində meyvə-tərəvəzləri qoymağa həmişə bir qab lazım olur. Müasir zamanımızda hər şey var, sadəcə olaraq ən çox həyət evində yaşayanlar bunu hazırlayıb istifadə edə bilərlər.
Bizə lazım olanlar:
Qayçı
Pərdəyə sancaq keçirmək və asmaq üçün lazım olan lent
3 ədəd plastmas yeşik
Köhnə yumşaq süfrə
Uzun, içi boş plastmas boru
Hazırlanması:
Əvvəlcə yeşikləri götürürük.
Sonra plastmas boruları eyni ölçüdə olmaqla 8 hissəyə kəsirik. Bir tərəfini odun üzərinə tutub yeşiyin baş tərəfində olan deşiyə tez salıb gəlibini çıxardırıq. Bunu yoldaşınızın yardımıyla edə bilərsiniz.
Sonra süfrə, ya da parçanı yeşiyin uzunu və eni ölçüsündə kəsirik. Amma alt qatdan fərqli olaraq üstlər bir az uzun olsa daha yaxı olar.
Kəsərkən 4-5 barmaq uzunu və enindən normal ölçüdən artıq olmalıdır. 1 sm qatlayıb lenti eninə tikirik.
Həmin kəsdiyimiz qısa boruları yeşikdəki boş deşiyə keçirdirik.
Cərgə ilə üçünü də üst-üstə yığırıq.
İçərisinə sellofan və ya qəzet səririk ki, ərzaqların tozu bir-birinə qarışmasın.
Tikdiyimiz pərdələrin bütün dövrəsinə dolayıb ip yerini möhkəmcə bərkidirik. Qalan artığını isə büzməyə verin ki, daha da gözəl görünsün.
Meyvə-tərəvəzlərimiz üçün qabımız hazırdır.
Yoxlayın çox yararlıdır 