Əziz xanımlar, sizlərə "Ev şəraitində bilərzik hazırlayaq" adlı xəbərimin 2-ci hissəsini təqdim etmək istəyirəm. Bilirik ki, hər bir qadın zinət əşyalarını çox sevir. Əgər sizin də marağınız varsa, boş vaxtlarınızda bu bilərziyi hazırlaya bilərsiniz. Hazırlanması çox rahat və görünüşü də olduqca gözəldir. Ümid edirəm ki, bəyənəcəksiniz.
Bunun üçün bizə rəngli sap, zovqünüzə gorə daş-qaş və bağlamaq üçün qaşlı düymələr lazım olacaq.
Əvvəlcə sap tərpənməsin deyə skoç vasitəsi ilə sapın ucunu bir yerə yapışdırırıq. Sapın ucunu bu şəkildə dəlik saxlayırıq ki, düyməni keçirmək olsun.
Sonra bu şəkildə sapları hörməyə başlayırıq.
Bilərziyin ortasına çatanda daş-qaşımızı keçırib, yenidən hörürük.
Hördükdən sonra iynə vasitəsi ilə bağlamaq üçün düyməni bərkidirik.
Sonra artıq ipləri kəsib iplərin uclarını yandırırıq ki, açılmasın.
Budur, bilərziklərimiz hazırdır. Zovqə görə istənilən rəngdə, istənilən daş-qaşla hazırlaya bilərsiniz.
