Əziz Qadin.net xanımları, mənim əl işlərimin bəziləri ilə tanışsınız. Yazdığınız şərhlərdə əl işlərimi necə hazırladığımı görmək istəmişdiniz. Mən də sizə söz vermişdim ki, düzəltdiyim əl işlərimin bir nümunəsini, necə hazırladığımı təqdim edəcəyəm.
Necə hazırladığımı siz də görün və bu cür suvenirlərdən hazırlayın. Əvvəlcədən hər birinizə təşəkkür edirəm.
Ümid edirəm bəyənərsiniz.
Bizə lazım olan ləvazimatlar: qayçı, silikon tapanca, kağız tikən alət, karton kağız, gül buketlərinin yığımında istifadə edilən xüsusi tüllər, bəzək üçün lentlər və tip zərli bəzəklər, qutu (qeyd edim ki, qutular satışda var, amma bu cür qutuların içində iki tərəfində pambıqla sarılmış çöplər olur).
Əvvəlcə tülü kağız tikən alətlə kartona tikirik.
Sonra silikon tapanca ilə qutunu və qapağını tüllərlə yapışdırırıq.
Həmin qutnun altına silikon vurub kartona bərkidirik.
Daha sonra bəzəkli lentlərlə qutunu və kartonda haşiyələri bəzəyirik.
Bu cür suvenir mucrülərin içinə kosmet vasitələrinizi qoya bilərsiniz.
O qədər asandır ki, xanımlarımızda da alınar. İnşAllah.