Əziz Qadın.netlilər,hazırladığım məzəli portağalı sizlərlə paylaşmaq istəyirəm. Bu üsulla siz çox asanlıqla uşağınıza portağal yedizdirə bilərsiniz.
Sizə 1 portağal, 2 kişmiş,1 dilim turpun qabıqlı yeri və 1 diş təmizləyən çöp lazım olacaq.
Əvvəl portağalın oturacaq hissəsini azca kəsib hamarlaşdırırıq.
Sonra qələmlə dovşanın üz tərəfini çəkirik.
Bıçağın ucuyla ehtiyatla dovşanın göz və ağız hissəsini kəsib çıxarırıq. Qalan hissələrdən qələmin cızıqlarını əlimizlə silirik.
Ağ hissələrə diş çöpünün bir hissəsiylə qara kişmişləri, burun yerinə isə turpu bərkidirik
Gözlərinin üstündən bıçağın ucuyla çərtib oraya kəsib çıxardığımız qabıqları qulaq formasında yerləşdiririk.
Çıxardığımız qabıqları qulaq kimi istifadə edərkən bir az kəsib balacalaşdırırıq.
Qız uşaqları üçün hazırlayanda portağalın qabığından balaca bant da düzəldib qulaqların yanına bərkitmək olar.
Və sonda budur, meyvə qabınıza xüsusi gözəllik verən portağalımız hazırdır.
