Kvillinq sənəti-adi kağızların burulması yolu ilə hazırlanan çox incə və gözəl əl işləridir. Bu sənət növü 14-cü əsrin sonu, 15-ci əsrin əvvələrində Avropada yaranmışdır. Uzun zaman keçməsinə baxmayaraq kvillinq sənəti dövrümüzə qədər gəlib çatmışdır. Hal-hazırda İngiltərədə,Almaniyada,Koreyada kvillinq hobbi kimi çox populyardır. Kağızburma sənəti üçün heç bir xüsusi alət lazım deyil. Bunun üçün qayçı,yapışqan,hər iki tərəfi rəngli olan kağızlar və onları burmaq üçün plastmas, metal və ya başqa materialdan olan istənilən nazik bir əşya lazımdır. Misal üçün adi diş çöpü ilə kağızları çox rahat burmaq olur.
Rəngli kağızlar təxminən 5-10 mm qalınlığında,15-60 sm uzunluğunda kəsilir.
Seçdiyiniz alət vasitəsi ilə kağızlar səliqə ilə burulur.
3-4 mm burduqdan sonra qalanını əl ilə də burmaq olar.
Sonra barmaqları bir az boş tutmaq lazımdir ki,buruqlar azca aralansın.
Bundan sonra onları istədiyiniz formaya sala bilərsiz.
Bunlar yarpaq və damla formalarıdır.Gördüyünüz əl işlərində də ən çox bu formalardan istifadə olunub.
