Şamların təsirindən faydalanın
Şamların dekorativ məqsədlə istifadəsindən başqa, eyni zamanda qoxu, rəng və formaları ilə pisxologiyamızın üzərində təsirləri olduğunu bilirdinizmi? Yataq və vanna otağınızda istifadə etdiyiniz şamlar romantik təsir yarada bilər. Xüsusi bitki yağlarından hazırlanan şamlar ruhunuzu istirahət etdirmək gücünə malikdirlər.
Fərqli toxunuşda yastıq və xalçalar
Toxunduqda istilik və yumşaqlıq hiss etdirən parçalardan istifadə edin. Bunun sayəsində otaqlarınızda isti və rahat bir görünüş əldə edə bilərsiniz.
Taxta ilə evlərə isti bir toxunuş yaradın
Taxtanın daxil olduğu bütün məkanlara qatdığı istilik danılmazdır. Siz niyə bu təsirdən faydalanmayasınız? Taxta aksesuarlar, kitabxanalar, rəflər və çərçivələr evinizə orijinal bir hava qatacaq.
Çiçəklərin təsiri
Otaqlarınızda müəyyən yerlərə qoyduğunuz çiçəklərlə şən və dinamik bir görünüş əldə edə bilər, evlərinizi qışın gətirəcəyi sıxıntılardan uzaq tutaraq daim canlılığı təmin edə bilərsiniz.
Rənglərin gücünü araşdırın
Yeni ilin gətirdiyi yenilənmə duyğusunu həyatınıza köçürmək istəsəniz, evinizlə uyğun olacaq şəkildə rənglərlə oynaya bilərsiniz. Çox böyük dəyişikliklər istəmirsinizsə, tək bir divarınızı qışda soyuqluğunu siləcək qırmızı, narıncı kimi isti tonlardan birinə boyamanız düşündüyünüzdən daha böyük bir təsir yaradacaqdır.
İşıqlı mətbəx
Qışın soyuqluğunu vaxtınızın çoxunu keçirdiyiniz mətbəxinizdən uzaq tutun. Sallanan çıraqlarla, əlavə olaraq istifadə edəcəyiniz divar naxışı ilə həm daha işıqlı, həm də daha qəşəng bir mühit yarada bilərsiniz.
Evinizin tamamlayıcısı - pərdələr
Ev dekorasiyasının tamamlayıcılarından olan pərdələrin mövsümdən-mövsümə fərqli istifadəsi ola bilər. Ümumiyyətlə, yazda daha qısa və naxışsız pərdələrdən istifadə edərkən, qışda daha qalın və uzun pərdədən istifadə edilməsi məsləhətdir. Yeri gəlmişkən, qış qapıdaykən istifadə etdiyiniz naxışlı və qalın pərdələrlə evinizə hərəkət və stil qazandıra bilərsiniz.
2014-cü ildə evlərə tünd rənglər hakim olacaq
2014-cü ildə açıq rənglərin yerini bənövşəyi, tünd qırmızı, qəhvəyi kimi tünd tonlara verdiyini bildirən mütəxəssislər bir-birindən fərqli vəsaitlər və parçalarla edilmiş kombinlərin istifadəsinin artacağına diqqət çəkir. Asimmetrik parçalar, aynalar, fərqli lampalar və metal aksesuarların yayılması ilə yanaşı, rahat kreslolar axşam və həftə sonu evində istirahət etmək istəyənlərə rahatlıq və zərifliyi bir yerdə təqdim edəcək.
