Uşaq otağının dizaynında pərdə seçimi çox əhəmiyyətlidir.
Gəlin, pərdə seçərkən hansı nüanslara əsaslanacağımıza birlikdə nəzər yetirək.
İlk növbəti uşaq otağının pərdəsi ekoloji təmiz materialdan hazırlanmalıdır.
Bütün valideynlər mənimlə razılaşar ki, evdə xüsusi təmiz olacaq guşə məhz uşaq otağı olmalıdır. Bu baxımdan uşaq otağının pərdəsi keyfiyyətli parçadan hazırlanmalıdır. Belə ki, bu pərdənin tez-tez yuyulma ehtimalı daha böyükdür.
Pərdə seçimində estetik nüans da gözdən qaçmamalıdır. Övladınızı uşaq yaşlardan gözəlliyi duymağa, qavramağa öyrətsəniz, gələcəkdə yaxşı zövqə sahib olacaqdır. Uşaq bu otaqda vaxtının çox hissəsini keçirtdiyi üçün pərdə onun gözünü yormamalı, zövqlü olmalıdır.
Digər bir tələb isə uşaq otağının işıqlı olmasına fikir verməkdir. Buna görə də pərdə günəş işığını yaxşı əks etdirən yüngül parçadan hazırlanmalıdır.
Rəng seçiminə gəldikdə isə, otağın ümumi interyeri nəzərə alınmalı, pərdənin rəngi divarların və ya mebelin rəngi ilə harmoniya təşkil etməlidir. Hər halda seçimin açıq rənglər üzərində dayanması daha məqsədəuyğundur.
