Qadin.NET / Məni sevə bilərsənmi?

Məni sevə bilərsənmi?

MƏNİ SEVƏ BİLƏRSƏNMİ

Məni sevə bilərsənmi?

Əyər sənə könül versəm,

Məni sevə bilərsənmi?

Gah ağlasam, gah da gülsəm,

Məni sevə bilərsənmi?

Qışa bənzər yazım olsa,

Kökdən düşən sazım olsa,

Bir ədalı nazım olsa,

Məni sevə bilərsənmi?

Üzüyümə qaş bağlasam,

Gözlərimi yaş bağlasam,

Ürəyimə daş bağlasam,

Məni sevə bilərsənmi?

Mən sözə məftun adamam,

Qururlu, mətin adamam,

Bir az da çətin adamam,

Məni sevə bilərsənmi?

Əhdim, ilqarım düz olsa,

Yaşım əlli, ya yüz olsa,

Əlim, ürəyim buz olsa,

Məni sevə bilərsənmi?

 

 

Etibar Vəliyev

 

10 noyabr 2017
GO BACK