Mən səni sevdikcə sən sevəcəksən!

 

 

Sevilmək nə imiş dərk edəcəksən!

Sevgimin qədrini sən biləcəksən

  Mən səni sevdikcə sən sevəcəksən!

Baxıram quşların yaz həvəsinə

Ehtiyacım var isti nəfəsinə

Qulaq as qəlbinin təmiz səsinə

Sən səndə mən tapıb mən sevəcəksən!

Səni görməyən göz yaş axıdınca

Tapdım mən sevdamı düşdüm dalınca

Sevdaya düşəcəksən mənə baxınca

Mənimlə bərabər tən sevəcəksən!

Ən gözəl günlərim keçib səninlə

Kədər axıracan həmdəm mənimlə

  Baxma ki mən sevdim qüssə-qəmimlə

Sən üzdə təbəssüm şən sevəcəksən!

Sanma ki səsləyir ahı-fəryadın,

Büsutun olubdu sonu Fərhadın

Sevirəm sözüdü təkcə imdadın,

Düşsə də saçına dən sevəcəksən!