Qəlbimi səninlə görüşən zaman,
Sanki gözlərinlə ovsunlayırsan,
Gözünə baxmaqdan doymurdum,inan
Daha o gözlərə baxa bilmirəm.
O gözlə görmüşdüm,sevmişdim səni,
O gözlə vermişdin mənə sevgini,
O gözlə bəxş etdin mənə qüssəni,
Daha o gözlərə baxa bilmirəm.
Hicrindən saçıma düşən zaman dən,
Dərdindən saralıb xəstə düşərkən,
O gözdən alırdım şəfaəti mən,
Daha o gözlərə baxa bilmirəm.
Görən kimə baxır indi o gözlər,
Dikilib yollara dondu o gözlər,
Başqa bir çöhrəyə qondu o gözlər,
Daha o gözlərə baxa bilmirəm...